ԵՐԵՎԱՆ, 20 հունիսի - Sputnik. Արման Բաբաջանյանի ավտոմեքենային կրակելու պահին Բաբաջանյանը սրահում չի եղել։ Այս մասին Sputnik Արմենիային հայտնեցին ՀՀ Ոստիկանության լրատվության վարչությունից։
Հունիսի 20-ին, ժամը 09։30-ի սահմաններում, դեռևս չպարզված հանգամանքներում անհայտ անձը կրակոց է արձակել Արման Բաբաջանյանին պատկանող «Տոյոտա» մակնիշի ավտոմեքենային»,– ասացին ոստիկանությունից։
Դեպքը տեղի է ունեցել Երևանի Նորք–Մարաշ համայնքում։
Կատարվում են օպերատիվ–քննչական միջոցառումներ դեպքի հանգամանքները պարզելու համար։
Ի դեպ, հավելենք, որ ոստիկանությունն իբրև ահազանգ է ընդունել ու դեպքի վայր մեկնել Արման Բաբաջանյանի facebook-յան գրառման հիման վրա։
Ավելի վաղ հայտնել էինք, որ կրակել են «Շիրինյան-Բաբաջանյան ժողովրդավարների դաշինքի» վարչապետի թեկնածու Արման Բաբաջանյանի մեքենայի ուղղությամբ։
Տարեցները հիմնականում չգիտեն քվեարկության նոր կանոնները. մարդիկ շտապում են ընտրությունների
Նշենք, որ այսօր առավոտյանը ժամը 08։00–ին Հայաստանում մեկնարկել են ԱԺ արտահերթ ընտրությունները 2008 ընտրատեղամասերում։ Տեղամասերից 479–ը տեղակայված են մայրաքաղաք Երևանում, 1 529–ը` մարզերում։
Ընտրողների ցուցակներում այս պահին ընդգրկված է 2 մլն 593 հազար 572 ընտրող: Բոլոր քաղաքական ուժերի ընտրական ցուցակներում միասին վերցրած ընդգրկված է 2510 թեկնածու: Ընտրություններին կհետևեն 8 միջագային և օտարերկրյա դիտորդական առաքելություն իրականացնող կազմակերպությունների 833 միջազգային դիտորդներ։
Արտահերթ ընտրություններին մասնակցում է 25 քաղաքական ուժ, որից 4-ը դաշինք են, 21-ը` կուսակցություն։
