ԵՐԵՎԱՆ, 13 հունիսի - Sputnik. Ռուսերենի անվճար դասընթացներ, ինտերակտիվ քննարկումներ, կինոդիտումներ, ռուս գրականություն, կրթական նյութեր. Վանաձորի Շարլ Ազնավուրի անվան մշակույթի պալատում արդեն գործում է նորաբաց «Ռուսական կենտրոնը», որտեղ կգործեն տարբեր խմբակներ։ Տեղեկությունը հայտնում է Երևանում «Դոմ Մոսկվի» մոսկովյան մշակութագործարարական կենտրոնը։
![Վանաձորի նորաբաց «Ռուսական կենտրոնում» կգործեն ռուսերենի անվճար դասընթացներ Վանաձորի նորաբաց «Ռուսական կենտրոնում» կգործեն ռուսերենի անվճար դասընթացներ - Sputnik Արմենիա, 1920, 13.06.2021](https://cdn.am.sputniknews.ru/img/07e5/06/0c/27906243_0:0:1280:960_1920x0_80_0_0_5ea975f57b8616657ea14618eb638b1d.jpg)
Վանաձորի քաղաքապետարանի աջակցությամբ և բարերար Արսեն Մնացականյանի հովանավորությամբ է բացվել կրթական կենտրոնը։
«Կրթությունը՝ զարգացած պետության գլխավոր բաղադրիչներից մեկն է։ Ուրախ ենք, որ նորաբաց կենտրոնը կօգնի մեր երեխաներին համալրել գիտելիքները և իմանալ ավելին ռուս գրականության ու լեզվի մասին։ Սա ևս մեկ քայլ է ամրապնդելու ռուս և հայ ժողովուրդների միջև մշակութային երկխոսությունը և իհարկե, ակտիվացնելու մարզային կյանքը»,–ասել է Երևանում «Դոմ Մոսկվի» գլխավոր տնօրեն Վահրամ Կարապետյանը։
![Վանաձորի նորաբաց «Ռուսական կենտրոնում» կգործեն ռուսերենի անվճար դասընթացներ Վանաձորի նորաբաց «Ռուսական կենտրոնում» կգործեն ռուսերենի անվճար դասընթացներ - Sputnik Արմենիա, 1920, 13.06.2021](https://cdn.am.sputniknews.ru/img/07e5/06/0c/27906238_0:0:1082:889_1920x0_80_0_0_f964eed3cdcaf2a02882d4202099362d.jpg)
«Ռուսական կենտրոնի» բարերար Արսեն Մնացականյանն էլ իր հերթին նշել է, որ կենտրոնը ռուսերենի, գրականության և մշակույթի տարածման հարթակ է, որը կհամախմբի դպրոցականներին, երիտասարդությանը։
Կենտրոնի բացման արարողությունից հետո Վանաձորի քաղաքապետարանի և Երևանում «Դոմ Մոսկվի» կենտրոնի միջև ստորագրվել է համագործակցության հուշագիր՝ կրթության, մշակույթի, սոցիալական և հումանիտար հարցերի շուրջ:
![Վանաձորի նորաբաց «Ռուսական կենտրոնում» կգործեն ռուսերենի անվճար դասընթացներ Վանաձորի նորաբաց «Ռուսական կենտրոնում» կգործեն ռուսերենի անվճար դասընթացներ - Sputnik Արմենիա, 1920, 13.06.2021](https://cdn.am.sputniknews.ru/img/07e5/06/0c/27906253_0:0:1262:841_1920x0_80_0_0_fe912574ef65d990a7395ad64abc77fd.jpg)
Հիշեցնենք, որ սա Երևանում «Դոմ Մոսկվի» մոսկովյան ենտրոնի (ՄՄԳԿ) նախաձեռնությամբ բացված երկրորդ «Ռուսական կենտրոնն» է։ Առաջինը գործում է Երևանում՝ Ավ․ Իսահակյանի անվան կենտրոնական գրադարանի մասնաճյուղում։ Հաջորդ «Ռուսական կենտրոնը» կբացվի Արմավիրում։