ԵՐԵՎԱՆ, 12 հունիսի - Sputnik. ԱՄՆ պետքարտուղար Էնթոնի Բլինկենը Twitter-ի իր էջում գրառում է արել` անդրադառնալով 15 հայ գերիների վերադարձին։
«ԱՄՆ–ն ողջունում է Ադրբեջանի կողմից 15 ձերբակալվածների ազատ արձակումը։ Մենք շնորհակալ ենք նաև Վրաստանի կառավարությանը` կողմերի միջև բանակցություններին աջակցելու կենսական դերի համար։ Նման քայլերը տարածաշրջանի ժողովուրդներին կմոտեցնեն խաղաղ ապագային, որին նրանք արժանի են»,–նշված է Բլինկենի գրառման մեջ։
The U.S. welcomes the release by Azerbaijan of 15 Armenian detainees. We're grateful to the Government of Georgia for its vital role facilitating discussions between the sides. Such steps will bring the people of the region closer to the peaceful future they deserve.
— Secretary Antony Blinken (@SecBlinken) June 12, 2021
Հիշեցնենք, որ այսօր ադրբեջանա–վրացական սահմանով Ադրբեջանը 15 հայ գերի է վերադարձրել։
ՀՀ վարչապետի պաշտոնակատար Նիկոլ Փաշինյանը հրապարակել է նրանց անունները և հայտնել` նախ բուժզննում կանցնեն տղաները, իսկ հետո հարազատները հնարավորություն կունենան տեսնել նրանց։
