ԵՐԵՎԱՆ, 10 հունիսի – Sputnik. Թուրքիայի արդյունաբերության ու տեխնոլոգիաների նախարար Մուսթաֆա Վարանկը հայտարարել է, որ երկրի արևելքում ոսկու հանքավայր է հայտնաբերվել։ Տեղեկությունը հայտնում է ՌԻԱ Նովոստին:
«Մենք Մոլլակարա գյուղի շրջանում, «Koza Altin» ընկերության հանքում 20 տոննա ոսկու, ինչպես նաև 3,5 տոննա արծաթի պաշարներ ենք հայտնաբերել»,– ասել է նախարարը։
Նրա խոսքով` հայտնաբերված ոսկու արժեքը 1.2 մլրդ դոլար է, արծաթինը` 2.8 մլն դոլար։
Վարանկի խոսքով՝ վերջին 10 տարում երկրում ոսկու արդյունահանման ոլորտում ներդրումների մակարդակն աճել է 25 տոկոսով: Այս տարի Թուրքիան մտադիր է արդյունահանել 45 տոննա ոսկի, իսկ առաջիկա հինգ տարիներին հասնել 100 տոննայի։
Իրանական նավթն ու հայկական ոսկին. ինչպես տապալեցին Մոսադեղի կառավարությունը
Մոլլակարա գյուղը գտնվում է Թուրքիայի արևելքում (Աղրի մարզ. նահանգ է Թուրքիայի արևելյան մասում, պատմական Արևելյան Հայաստանի տարածքում, hայկական պատմական անունը Քարբեր է), սահմանակից է Իրանին, հյուսիսից՝ Իգդիրին և Կարսին, արևմուտքից՝ Մուշին և Էրզրումին, հարավից՝ Վանին ու Բիթլիսին։