ԵՐԵՎԱՆ, 9 հունիսի - Sputnik. Ռուսաստանը մտադիր է Թուրքիայի հետ համատեղ արտադրել «Սպուտնիկ V» պատվաստանյութը։ Տեղեկությունը հայտնում է ՌԴ ԱԳՆ–ն` ներկայացնելով Թուրքիայի և Ռուսաստանի ԱԳՆ–ների ներկայացուցիչների հանդիպման վերաբերյալ հաղորդագրությունը։
«Հատուկ նշանակություն ունի կորոնավիրուսային վարակի տարածման հետևանքների դեմ պայքարի ոլորտում փոխգործակցության զարգացումը, այդ թվում ՝ Թուրքիայի տարածքում ռուսական «Սպուտնիկ V» պատվաստանյութի համատեղ արտադրության հաստատումը», – գրված է հայտարարության մեջ։
Կողմերը քննարկել են Սիրայի, Լեռնային Ղարաբաղի, պաղեստինա-իսրայելական և տարածաշրջանային այլ ճգնաժամերի լուծմանը նպաստող միջազգային աջակցության հարցերը։
«Մտքեր են փոխանակվել հակամարտությունների գոտիներում լարվածության օջախների վերացմանն ուղղված լրացուցիչ միջոցառումների, հրադադարի կայուն ռեժիմների պահպանման, ինչպես նաև հումանիտար օգնության ավելացման և բազմակողմ հարթակներում ջանքերը համակարգելու միջոցով փախստականների վերադարձի վերաբերյալ», – ասված է հայտարարության մեջ։
Ռուսական «Սպուտնիկ V» պատվաստանյութը կարող է մինչև հունիսի վերջ գրանցվել Եվրոպայում
Բարձր գնահատական է տրվել Լեռնային Ղարաբաղի հակամարտության գոտում կրակի դադարեցման վերահսկողության ռուս-թուրքական համատեղ կենտրոնի գործունեությանը և բոլոր ռազմական գործողություններին:
