ԵՐԵՎԱՆ, 8 հունիսի -Sputnik. Բողկը շատերի կողմից սիրված բանջարեղեններից մեկն է։ Այն յուրահատուկ համ ունի և հարուստ է օգտակար միկրոէլեմենտներով և վիտամիններով։
Բացի այդ, ինչպես բոլոր խաչածաղկավորները, որոնց դասին բողկը պատկանում է, այն ունի հակաբորբոքային և հակաքաղցկեղային ազդեցություն։ Չնայած, որ բողկն ունի շատ օգտակար հատկություններ, խոցեր, գաստրիտ և այլ աղեստամոքսային հիվանդություններ ունեցող մարդիկ պետք է այն զգուշությամբ օգտագործեն։ Դիետոլոգը պարզաբանել է, որ բողկը պարունակում է դառնություն, դա գրգռում է ստամոքսի լորձաթաղանթը և կարող է սրացումներ առաջացնել։
«Ավելի լավ է բողկն ուտել սնվելուց հետո, այլ ոչ թե առաջ։ Բացի այդ, ստամոքսի հիվանդությունների առկայության դեպքում ավելի լավ է այն օգտագործել ինչ-որ մեղմացնող բանով, օրինակ, կարագով կամ թթվասերով», - ասել է Գինզբուրգը:
Նա ընդգծել է, որ ցածր թթվայնություն ունեցող մարդկանց խորհուրդ է տրվում բողկն ուտել սոված փորին։ Այն կբարելավի ստամոքսահյութի արտադրությունը և մարսողությունը:
Մարդը կարող է բնածին դիմադրողականություն ունենալ COVID-ի նկատմամբ․ բժիշկ
