ԵՐԵՎԱՆ, 4 հունիսի - Sputnik. ՀՀ վարչապետի պաշտոնակատար Նիկոլ Փաշինյանի որոշմամբ` Արարատի փոխմարզպետներից մեկն ազատվել է պաշտոնից։ Տեղեկությունը հայտնում է ՀՀ կառավարության մամուլի ծառայությունը։
«Նորիկ Ամիրխանյանին ազատել ՀՀ Արարատի մարզպետի տեղակալի պաշտոնից»,–նշված է Փաշինյանի որոշման մեջ։
Հիշեցնենք, որ Ամիրխանյանը վարչապետ Նիկոլ Փաշինյանի 2020-ի հոկտեմբերի 30-ի հրամանագրով էր նշանակվել փոխմարզպետ։ Նա 2014-ից եղել է առաջին բանակային կորպուսի շտաբի պետը, իսկ մինչ այդ` Նոյեմբերյանի զորամասի հրամանատարը։
