ԵՐԵՎԱՆ, 3 հունիսի - Sputnik. Թուրք և ադրբեջանցի զինվորականները Բաքվում անցկացնում են «բարձր մակարդակի ռազմական երկխոսության» հերթական նիստը: Այս մասին հայտնում են ադրբեջանական լրատվամիջոցները՝ վկայակոչելով երկրի պաշտպանության նախարարության մամուլի ծառայությունը։
Հանդիպման ընթացքում քննարկվում է անվտանգության, ռազմական, ռազմատեխնիկական, ռազմաբժշկական, ռազմակրթական, ռազմաարդյունաբերական և այլ ոլորտներում երկկողմ համագործակցության ներկա վիճակը, դիտարկվում են զարգացման հեռանկարները և ռազմական և պաշտպանության ոլորտներում գործունեության հիմնական ուղղությունները:
Ադրբեջանական կողմից հանդիպումը համանախագահում է պաշտպանության նախարարի տեղակալ, գեներալ-լեյտենանտ Քերիմ Վելիևը, իսկ թուրքական կողմից՝ գլխավոր շտաբի երկրորդ պետ, կորպուսի գեներալ Սելջուկ Բայրաքթարօղլուն:
