ԵՐԵՎԱՆ, 31 մայիսի – Sputnik. Հունիսի 20-ի արտահերթ խորհրդարանական ընտրություններին կմասնակցեն 26 քաղաքական ուժ, որոնցից 4-ը դաշինք են, 22-ը՝ կուսակցություն:
ԿԸՀ նիստի ավարտին, որում հաստատվեցին ընտրություններին մասնակցելու իրավունք ունեցող քաղաքական ուժերը, հանձնաժողովի նախագահ Տիգրան Մուկուչյանը նշեց, որ մասնակցության նման ռեկորդային ցուցանիշ 2012 թ-ից՝ իր նշանակումից ի վեր չի հիշում:
Ընտրություններին մասնակցող քաղաքական ուժերի թիվը ենթադրում է նաև ընտրական ծախսերի ավելացում:
«Հիմնական ծախսերի վելացումը պայմանավորված է լինելու քվեաթերթիկների տպագրությամբ և դրանց տեղափոխմամբ, որովհետև նախապես, երբ պլանավորվում էր, պլանավորվում էր ավելի քիչ մասնակցության թիվ: Իսկ մեր Ընտրական օրենսգիրքն այնպիսին է, որ յուրաքանչյուր քաղաքական ուժի համար պետք է տպագրվի առանձին քվեաթերթիկ»,- ասաց Մուկուչյանը:
ԿԸՀ նախագահը ծախսերի հստակ թիվ չնշեց` ասելով, որ հաշվարկը դեռ չի ավարտվել:
ՔՊ-ի, ԲՀԿ-ի, ՀԱԿ-ի և մյուսների փաստաթղթերը կիսատ են․ ԿԸՀ-ն 48 ժամ է տվել շտկելու համար
