ԵՐԵՎԱՆ, 31 մայիսի – Sputnik. Քրեական հեղինակություն համարվող Արթուր Ասատրյանի՝ Դոն Պիպոյի եղբորը` Արմեն Ասատրյանին, կրակել են «Միտսուբիշի Պաջեռո ԻՈ» մակնիշի ավտոմեքենայից։ Տեղեկությունը հայտնում է ՀՀ քննչական կոմիտեի մամուլի ծառայությունը։
![Հայտնի են դարձել Դոն Պիպոյի եղբոր սպանության մանրամասները. տեսանյութ Հայտնի են դարձել Դոն Պիպոյի եղբոր սպանության մանրամասները. տեսանյութ - Sputnik Արմենիա, 1920, 31.05.2021](https://cdn.am.sputniknews.ru/img/07e5/05/1f/27755496_0:0:1125:634_1920x0_80_0_0_8a270af52e842f4c2f50202973f49835.jpg)
Ըստ ՔԿ–ի` 2021թ. մայիսի 31-ին` ժամը 18:00-ի սահմաններում, ՀՀ ոստիկանության Վաղարշապատի բաժինը Վաղարշապատի հիվանդանոցի շտապօգնության բաժանմունքից ահազանգ է ստացել, որ Արմավիրի մարզի Մարգարա-Զվարթնոց ավտոճանապարհի հատվածում հրազենային վնասվածքներով տղամարդու դիակ է հայտնաբերվել:
![Հայտնի են դարձել Դոն Պիպոյի եղբոր սպանության մանրամասները. տեսանյութ Հայտնի են դարձել Դոն Պիպոյի եղբոր սպանության մանրամասները. տեսանյութ - Sputnik Արմենիա, 1920, 31.05.2021](https://cdn.am.sputniknews.ru/img/07e5/05/1f/27755491_0:0:1125:634_1920x0_80_0_0_611d2a3ae5a416d81d82275a68b5156d.jpg)
Նույն օրը` ժամը 18:30-ին, ՀՀ ոստիկանության Վաղարշապատի բաժինը հրշեջ ծառայությունից հաղորդում է ստացել, որ Էջմիածին քաղաքի Զվարթնոց թաղամասի հարակից դաշտերում «Միտսուբիշի Պաջեռո ԻՈ» մակնիշի ավտոմեքենա է այրվում, որի մեջ հայտնաբերվել է 13 հատ 5,45 տրամաչափի կրակված պարկուճ, մեկ հատ կրակված գնդակ և «ԱԿՍՈՒ» մոդելի ինքնաձիգ՝ դատարկ պահեստատուփով:
![Հայտնի են դարձել Դոն Պիպոյի եղբոր սպանության մանրամասները. տեսանյութ Հայտնի են դարձել Դոն Պիպոյի եղբոր սպանության մանրամասները. տեսանյութ - Sputnik Արմենիա, 1920, 31.05.2021](https://cdn.am.sputniknews.ru/img/07e5/05/1f/27755501_0:0:1125:634_1920x0_80_0_0_d088c64a310b98837e657c8c4d6b88e0.jpg)
![Հայտնի են դարձել Դոն Պիպոյի եղբոր սպանության մանրամասները. տեսանյութ Հայտնի են դարձել Դոն Պիպոյի եղբոր սպանության մանրամասները. տեսանյութ - Sputnik Արմենիա, 1920, 31.05.2021](https://cdn.am.sputniknews.ru/img/07e5/05/1f/27755506_0:0:1125:634_1920x0_80_0_0_ab0a65ea285b0420ef6fa1880b4fdec3.jpg)
«Ձեռնարկված միջոցառումների արդյունքում պարզվել է, որ նույն օրը ենթադրյալ հանցագործություն կատարած անձը Արմավիրի մարզի Մարգարա-Զվարթնոց ավտոճանապարհին՝ Երևան-Էջմիածին կամրջից 400 մետր հեռավորությամբ, դիտավորությամբ ապօրինաբար կյանքից զրկելու` սպանելու նպատակով, «Միտսուբիշի Պաջեռո ԻՈ» մակնիշի ավտոմեքենայի սրահից իր մոտ ապօրինի պահվող ինքնաձիգից անկանոն կրակոցներ է արձակել «Լեքսուս 570» մակնիշի ավտոմեքենայի ուղղությամբ, որից հետո «Միտսուբիշի Պաջեռո ԻՈ» մակնիշի ավտոմեքենան տեղափոխելով Էջմիածին քաղաքի Զվարթնոց թաղամասի հարակից դաշտեր՝ այրել է այն և դիմել փախուստի: Կրակոցների հետևանքով մահացել է «Լեքսուս 570 » մակնիշի ավտոմեքենայի վարորդը՝ Արմեն Ասատրյանը»,– նշված է հաղորդագրության մեջ:
Կատարվում են անհետաձգելի քննչական և դատավարական այլ գործողություններ՝ դեպքի բոլոր հանգամանքները պարզելու, ենթադրյյալ հանցագործությունը կատարած անձի (անձանց) ինքնությունը պարզելու ուղղությամբ:
Նախաքննությունը շարունակվում է:
Հիշեցնենք` մայիսի 5–ին կրակոցներ էին հնչել Էջմիածնում, որի հետևանքով սպանվել էր Դոն Պիպոյի թիկնապահներից մեկը`29-ամյա Ռազմիկ Սողոյանը։
Պարզվել է` ով է Նոր Նորքում եղբայրներից մեկին սպանած, մյուսին վիրավորած տղամարդը