ԵՐԵՎԱՆ, 31 մայիսի – Sputnik. Ապօրինի զենք պահելու, կրելու կասկածանքով Արաբկիրի ոստիկանության բաժին կան բերման ենթարկված անձիք։ Տեղեկությունը Sputnik Արմենիային հայտնեցին ՀՀ ոստիկանության մամուլի ծառայությունից։
«Մի խումբ անձինք են բերման ենթարկվել, նյութեր են նախապատրաստվում»,– հայտնեցին ոստիկանությունից։
Նշենք, որ սոցցանցերում տեսանյութ է տարածվել, որում երևում է, թե ինչպես են մի խումբ անձանց գետնին պառկեցնում։ Նշվում է, որ «Երևանում վարձու մարդասպանների բանդա են բացահայտել և ըստ իրենց տեղեկությունների՝ այն գործել է «Իմ քայլի» պատգամավոր Հայկ Սարգսյանի հետաքրքրությունների ներքո, ով ավելի հայտնի է որպես՝ «Շիշ բռնող»»։
