ԱԻՆ փրկարար ծառայության Երևան քաղաքի և մարզային փրկարարական վարչությունների հրշեջ-փրկարարական ջոկատները 9 օր շարունակ հրդեհաշիջման աշխատանքներ են իրականացնում Մասիս քաղաքի աղբավայրում: Տեղեկությունը հայտնում է ԱԻՆ պաշտոնական կայքը։
«Այսօր՝ մայիսի 30-ին, ժամը 09։45-ին հրդեհաշիջման աշխատանքները շարունակելու նպատակով դեպքի վայր է մեկնել մեկ մարտական հաշվարկ: Հրդեհաշիջման աշխատանքները շարունակվում են․իրականացվում է հերթապահություն»,–նշված է հաղորդագրության մեջ։
Հիշեցնենք, որ մայիսի 22-ին Արարատի մարզային ճգնաժամային կառավարման կենտրոն տեղեկություն էր ստացվել, որ Մասիս քաղաքի աղբավայրում հրդեհ է բռնկվել:
Պարզվել է, որ մոտ 2 հա տարածքում այրվում է աղբը։
