2021 թվականի հունիսի 20-ին կայանալիք ԱԺ արտահերթ ընտրությունների նախապատրաստման և անցկացման ընթացքում հասարակական կարգի պահպանության և ընտրությունների բնականոն ընթացքն ապահովելու նպատակով Հայաստանի ոստիկանության պետ Վահե Ղազարյանի հրամանով, ոստիկանությունում ստեղծվել է օպերատիվ շտաբ։ Տեղեկությունը հայտնում է ՀՀ ոստիկանության մամուլի ծառայությունը։
Նշվում է, որ օպերատիվ շտաբի գործունեությունը ղեկավարելու է ոստիկանության պետի առաջին տեղակալ Արամ Հովհաննիսյանը։ Օպերատիվ շտաբի անդամներն են ոստիկանության պետի տեղակալները, ոստիկանության շտաբի և գլխավոր վարչությունների պետերը, ԱՎՎ ու ՃՈ պետերը։
«Օպերատիվ շտաբի գործունեության ուղղություններն են իրավական ապահովումը, ընտրացուցակների ճշգրտումը, տեղեկատվության հավաքումը, ամփոփումն ու հետաքննությունը, վերակարգերի ծառայության նկատմամբ հսկողությունը, նյութատեխնիկական և բժշկական ապահովումը, զանգվածային անկարգությունների հակազդումն ու արագ արձագանքումը»,–ասվում է հաղորդագրության մեջ։
Ռազմական դրություն հայտարարելու քննարկում չկա, ընտրությունները կկայանան. Մակունց
Այս գործառույթները պատշաճ իրականացնելու համար օպերատիվ շտաբի կազմում ստեղծվել են աշխատանքային խմբեր։
Օպերատիվ շտաբի «թեժ գծերն» են 010 54 69 12, 010 54 69 14 հեռախոսահամարները։
Հիշեցնենք` Հայաստանում արտահերթ խորհրդարանական ընտրությունները կկայանան հունիսի 20–ին։ Դրանց մասնակցելու հայտ է ներկայացրել 27 քաղաքական ուժ։ Նախընտրական քարոզարշավը կմեկնարկի հունիսի 7–ին և կավարտվի հունիսի 18–ին։ Հունիսի 19–ը լռության օր է։
Կառավարությունը կգործադրի բոլոր ջանքերը. Արսեն Թորոսյանը խոսել է ընտրությունների մասին
