ԵՐԵՎԱՆ, 26 մայիսի – Sputnik. Այսօր` փետրվարի 26–ին, լուսնի խավարում է սպասվում, որն ընդունված է անվանել սուպերլուսին։ Սուպերլուսնի պահին Երկիրը հայտնվում է ճիշտ արևի և լուսնի միջև և իր ստվերն էլ գցում լուսնի վրա։
Ռադիո 1-ին տված հարցազրույցում աստղաբան Թամարա Գլոբան սուպերլուսնի ժամանակը մշուշոտ ժամանակահատված է անվանել։ Նա հայտնել է, որ լուսինն ազդում է բոլոր հեղուկների, այդ թվում՝ ուղեղի վրա, ազդում է ուղեղային և զգացմունքային գործընթացների վրա:
Գլոբան բացատրել է․ «Լուսինը զգալի ազդեցություն է ունենում օրգանիզմի վիճակի վրա, հատկապես եթե ձեր ներսում ինչ-որ խնդիրներ արդեն իսկ կան։ Խավարումն ազդում է այնպիսի օրգանների վրա, ինչպիսիք են լյարդն ու շնչուղիները։ Հանրային վայրերում նույնպես խնդիրներ կառաջանան՝ դրանք կսկսեն փլուզվել։ Դա կապված է և՛ քաղաքականության, և՛ կրթական հաստատությունների հետ։ Դա շատ խառը շրջան կլինի։ Բան այն է, որ այդ ժամանակ սրվում է զգացմունքային ֆոնը, առավել ևս, որ այս խավարումը նաև սուպերլուսին է, իսկ դա ոչ միշտ է համընկնում խավարման հետ։ Շատ կարևոր է հետևել առողջական վիճակին։ Եվ ավելի քիչ շփվել»։
NASA-ն ներկայացրել է լուսնի խավարումը Լուսնից դիտողի «աչքով»
Աստղագետը կարծում է` քանի որ Լուսնի մոտենալու պահին ուժեղանում է ազդեցությունը սթրեսակայունության և ֆիզիկական պատրաստվածության վրա, անհրաժեշտ է իմանալ` ինչպես պատրաստվել այդ իրադարձությանը:
«Հարկավոր է սննդակարգի հետևել, ավելի քիչ ուտել յուղոտ, ծանր ուտելիքներ և միս։ Ինչ վերաբերում է ջրին, ապա բուն խավարման պահից մեկ ժամ առաջ և դրանից հետո արժե մեկ բաժակ մաքուր ջուր խմել, բայց ոչ տաքացնող ըմպելիքներ։ Դա ձեզ համար որոշակի մաքրում կլինի։ Խավարման պահին չարժե սնունդ ընդունել, չարժե որևէ նոր բան սկսել և, իհարկե, չարժե որևէ մեկի հետ վիճել»,-խորհուրդ է տվել Գլոբան։
Նա խորհուրդ է տվել նաև խավար հաջորդ երեք օրերին կոնտրաստային ցնցուղ ընդունել, պարզաբանելով, որ դա ուշքի է բերում ներքին վիճակը, օրգանիզմը, պատրաստ վիճակի է բերում ուղեղը, թույլ չի տալիս թուլանալ, ինչը շատ կարևոր է, քանի որ ցանկացած իրադարձություն կարող է տեղի ունենալ։
Գլոբան պատմել է նաև, թե ինչ հնարավորություններ է տալիս սուպերլուսինը․ «Հաճախ ինտուիտիվ մարդիկ ենթագիտակցորեն հասկանում են, թե կյանքում ինչն իրենց պետք չէ։ Բայց դա չի նշանակում, որ պետք է կտրուկ կտրել բոլոր թելերը և սկանդալներ սարքել, քանի որ այդ սկանդալները կարող են երկար ժամանակով ձեր կյանք մտնել։ Կարճ ասած՝ լուսնի խավարման փուլում լավ կլինի ազատվել վատ սովորություններից և ձանձրացրած հարաբերություններից»։
Լուսնի խավարումը կտեսնեն նաև երևանցիները. աստղագետը նշել է ստույգ օրն ու ժամը
