ԵՐԵՎԱՆ, 24 մայիսի - Sputnik. Երևանում կրակոցներ են հնչել. ժամը 18:00-ի սահմաններում հրազենային վնասվածքով թիվ 1 համալսարանական հիվանդանոց է տեղափոխվել մի քաղաքացի. գրում է Shamshayn.com–ը։
Հիվանդանոցում բժիշկները ոստիկաններին հայտնել են, որ վիրավորը, որը վնասվածք է ստացել որովայնի ձախ հատվածում, ի վիճակի չէ կատարվածի մասին բացատրություն տալու: Ոստիկանները պարզել են, որ վիրավորը հիվանդանոց է տեղափոխվել Նորք-Մարաշ 6-րդ փողոցից, նա 61-ամյա Լավրենտ Առուշանյանն է:
Ոստիկանները դեպքի վայրի զննություն են կատարում. հայտնաբերվել են արնանման հետքեր:
Նախաքննություն է ընթանում։
