ԵՐԵՎԱՆ, 23 մայիսի - Sputnik. Հայաստանի ֆուտբոլի ֆեդերացիայի նախագահ Արմեն Մելիքբեկյանի հրավերով Հայաստան է ժամանել Իսպանիայի հավաքականի և Մադրիդի «Ռեալի» նախկին ավագ, Չեմպիոնների լիգայի եռակի հաղթող, լեգենդար Ֆերնանդո Իեռոն: Տեղեկությունը հայտնում է ՀՖՖ մամուլի ծառայությունը Facebook-ի պաշտոնական էջում։
«Առաջիկա օրերին հանրահայտ իսպանացին դասախոսությամբ հանդես կգա Երևանում կայանալիք ֆուտբոլային մարզչական համաժողովի ընթացքում»,- նշված է հաղորդագրության մեջ։
Իսպանիայի հավաքականի պատմության մեջ ամենաշատ հանդիպումներն անցկացրած ֆուտբոլիստների թվում Իեռոն ռմբարկուների շարքում զբաղեցնում է չորրորդ տեղը (29 գոլ) եւ 10-րդ տեղը (89 խաղ):
Ֆուտբոլիստի կարիերան ավարտելուց հետո Իեռոն սկսել է զբաղվել մարզչական և ֆուտբոլային մենեջերի գործունեությամբ։
