ԵՐԵՎԱՆ, 21 մայիսի - Sputnik. «Moderna» ընկերության համահիմնադիր, հայազգի գործարար Նուբար Աֆեյանը կորոնավիրուսի պատվաստանյութերի արտադրության արդյունքում միլիարդատեր է դարձել։ Տեղեկությունը հայտնում է ՌԻԱ Նովոստին։
Աֆեյանը դարձել է կորոնավիրուսի դեմ պատվաստանյութերի վաճառքից ստացած շահույթի շնորհիվ միլիարդատեր դարձած աշխարհի 9 միլիարդատերերից մեկը։
Նրանից բացի, նոր միլիարդատերերի թվում են ամերիկյան «Moderna»–ի ևս 3 ներկայացուցիչ՝ գործադիր տնօրեն Ստեֆան Բանսելը, ներդրողներ Թիմոթի Սպրինգերը և Ռոբերտ Լանգերը։
Ցուցակում ներառված են նաև «Pfizer» պատվաստանյութն արտադրող «BioNTech» ընկերության ղեկավար Ուգուր Շահինը, իսպանական դեղագործական ընկերության գործադիր տնօրեն Ռավի Խուան Լոպես-Բելմոնտեն և չինական «CanSino Biologics» ընկերության երեք համահիմնադիրները:
Նախկինում «Moderna»-ն ճանաչվել էր կորոնավիրուսի դեմ լավագույն պատվաստանյութը աշխարհում:
Նշենք, որ Հայաստանի առողջապահության նախարարությունը խորհրդակցություններ է անցկացնում նաև ամերիկյան «Moderna»-ի հետ:
