ԵՐԵՎԱՆ, 21 մայիսի - Sputnik. ՀՀ ԱԺ «Իմ քայլը» խմբակցության պատգամավոր, արտաքին հարաբերությունների մշտական հանձնաժողովի նախագահ Ռուբեն Ռուբինյանն այսօր լրագրողների հետ ճեպազրույցում հերքեց ՀՀ ԱԳ նախարար Արա Այվազյանի հրաժարականի մասին լուրը։
«Երեկ եմ խոսել նախարարի հետ, այդպիսի բան չկա, և դա սուտ է»,– ասաց նա։
Պատասխանելով Վատիկանում ՀՀ նախկին դեսպան Միքայել Մինասյանի հրապարակած փաստաթղթի մասին ԱԳՆ բարձրաստիճան պաշտոնյաների անտեղյակության մասին հարցին, Ռուբինյանը դա նորմալ համարեց։
«Փոխարտգործնախարարը կարող է տեղյակ չլինել ամեն բանից այն պարզ պատճառով, որ նախ` փոխարտգործնախարարները մի քանիսն են, որնցից յուրաքաչյուրը համակարգում է իր ոլորտը, և շատ նորմալ է, որ մի փոխնախարարը կարող է ամեն ինչից տեղյակ չլինել։ ԱԳՆ այն բոլոր պաշտոնյաները, որ պետք է տեղյակ լինեին, տեղյակ են»,–ասաց նա։
Հիշեցնենք` ԱԳ փոխնախարար Ավետ Ադոնցը երեկ` մայիսի 20–ին, լրագրողների հետ ճեպազրույցում հայտնել էր, որ Վատիկանում ՀՀ նախկին դեսպան Միքայել Մինասյանի հրապարակած ու ավելի ուշ ՀՀ վարչապետի պաշտոնակատար Նիկոլ Փաշինյանի հաստատած փաստաթղթից տեղյակ չի եղել։
Միքայել Մինասյանը պնդում է` ՀՀ-ի և Ադրբեջանի միջև նոր փաստաթուղթ է ձևակերպվել
