ՀՀ ոստիկանական ուժերը սկսել են բերման ենթարկել Բաղրամյան պողոտան փակած բողոքի ակցիայի մասնակիցներին։ Տեղեկությունը դեպքի վայրից հայտնում է Sputnik Արմենիայի թղթակիցը։
Ոստիկանները մոտեցել են ակցիայի մասնակիցներին, պահանջել, որ նրանք բացեն փողոցը, այնուհետև սկսել են բերման ենթարկել նրանց։
Բերման ենթարկվածների թվում է նաև «Երկիր ծիրանի» կուսակցության առաջնորդ Զարուհի Փոստանջյանը։
ՀՀ ոստիկանության լրատվության բաժնից Sputnik Արմենիային հայտնեցին, որ ժամը 22։00-ի դրությամբ բերման է ենթարկվել 9 քաղաքացի`Վարչական իրավախախումների վերաբերյալ օրենսգրքի 182-րդ (ոստիկանության ծառայողի օրինական պահանջը չկատարելու) հոդվածով նախատեսված արարք կատարելու համար։ Նրանց բոլորին ավելի ուշ բաց են թողել։
Նշենք, որ ավելի վաղ կառավարության շենքի դիմաց հավաքված բողոքի ակցիայի մասնակիցները երթով շարժվել էին դեպի ԱԺ և փակել Բաղրամյան պողոտա ու Դեմիրճյան փողոցը, որպեսզի փակեն ՀՀ վարչապետի պաշտոնակատար Նիկոլ Փաշինյանի ու պատգամավորների ճանապարհը և ստանան իրենց հուզող հարցերի պատասխանը։
Դա միակ փաստաթուղթն է, որը գտնվում է աշխատանքային քննարկման մեջ. Նիկոլ Փաշինյան
Հիշեցնենք` այսօր` ժամը 17։00-ին, Երևանի Հանրապետության հրապարակում` ՀՀ կառավարության շենքի մոտ, հանրահավաք էր մեկնարկել։
Պատճառը աղմուկ հանած փաստաթուղթն է, որը ՀՀ վարչապետի պաշտոնակատար Նիկոլ Փաշինյանը պատրաստվում է ստորագրել ադրբեջանական և ռուսական կողմերի հետ Հայաստանի սահմանների վերաբերյալ։
