ՀՀ Ազգային ժողովի 2021 թվականի հունիսի 20-ին կայանալիք արտահերթ ընտրություններին մասնակցող ընտրողների թիվը հաստատելիս Կենտրոնական ընտրական հանձնաժողովն առաջնորդվել է Հայաստանում անցկացված վերջին` 2011 թվականի մարդահամարի տվյալներով։
2021թ–ին Հայաստանում նախատեսվում էր նոր մարդահամար անցկացնել, բայց կառավարության որոշմամբ, այն հետաձգվել է մինչև 2022թ.–ը։ Պատճառը կորոնավիրուսի համաճարակային իրավիճակն է։
ԿԸՀ–ն հրապարակել է նաև ՀՀ–ում թվով առաջին չորս ազգային փոքրամասնությունների տվյալները։ Այս ազգերը ՀՀ Ընտրական օրենսգրքով ԱԺ–ում կունենան մեկական ներկայացուցիչ` անկախ ընտրությունների արդյունքից։
