ԵՐԵՎԱՆ, 20 մայիսի - Sputnik. Սահմանի ամբողջ երկայնքով տեղի է ունեցել զանգվածային ծեծկռտուք մեր և ադրբեջանցի զինվորների միջև։ Այս մասին այսօր ԱԺ արտահերթ նիստում հայտարարեց ՀՀ վարչապետի պաշտոնակատար Նիկոլ Փաշինյանը` մեկնաբանելով օրերս Վարդենիսում տեղի ունեցած միջադեպը։
«Ասում են` ՊՆ-ն ինչու հերքեց և հաստատեց։ Դուք գիտեք` ՊՆ-ին զեկուցում են հարձակվեցին, մենք փախա՞նք։ Վերջնարդյունքն են զեկուցում։ 2 ժամանոց վիդեոյից 3 րոպե կտրում են ու տալիս են ադրբեջանցի գործակալներին։ Նրանք էլ տարածում են դա»,- ասաց նա։
Փաշինյանի կարծիքով` ՊՆ-ի համար կարևոր է, որ ինքը ժողովրդին անկեղծ, ազնիվ ասի այն, ինչ որ կա։ Այնուհետև Փաշինյանն անդրադարձավ նաև այսօր Կութում հնչած կրակոցներին` արձանագրելով, որ իրավիճակը շարունակում է մնալ լարված։
«Իրավիճակը շատ լարված է, ոչ մեկ թող չթերագնահատի։ Այսօր Կութի շրջանում եղել է հրաձգություն, բայց հետո կողմերն արձանագրել են, որ դա թյուրըմբռնման արդյունք է, եկել են, քննարկել են, որ իրար վրա չեն կրակել, այլ միջադեպի մասին է խոսքը»,- նշեց վարչապետի պաշտոնակատարը։
Հիշեցնենք` երեկ համացանցում մի տեսանյութ էր տարածվել, որում ադրբեջանցի զինվորները նսեմացնում էին հայկական զինվորական համազգեստով անձանց, հարվածում նրանց։ Դրանից հետո լուրեր տարածվեցին, որ հայ տղաներին գերի են վերցրել։
Մինչև նոր փաստաթղթի քննարկումները ադրբեջանցիները պետք է լքեն ՀՀ տարածքը. Արմեն Գրիգորյան
