Դրամական փոխանցումները Ռուսաստանից արտասահման ամենաշահավետն են ճանաչվել աշխարհում, իսկ նախորդ տարվա ընթացքում դրանց արժեքն էլ ավելի է նվազել։ Դա օգնել է պահպանել մերձավոր արտերկիր փոխանցումների մինչճգնաժամային ծավալներն ու աջակցել տարածաշրջանային տնտեսություններին համավարակի շրջանում։
Դրամական փոխանցումները կարևոր տեղ են զբաղեցնում Եվրասիական տնտեսական միության (ԵԱՏՄ) ֆինանսական հոսքերում, կարծում են եվրասիական զարգացման բանկում (ԵԱԶԲ):
«Ռուսաստանից փոխանցումները միության մի շարք երկրներում բնակչության գնողունակությանն աջակցելու զգալի աղբյուր են։ Ղրղզստանի և Հայաստանի ՀՆԱ կառուցվածքում դրանք կազմում են համապատասխանաբար 23 և 8 տոկոս: Այլ երկրներում՝ Բելառուսում և Ղազախստանում, դրանք պակաս կարևոր դեր են խաղում՝ կազմելով ՀՆԱ-ի 1 տոկոսից պակաս», - նշել են տնտեսագետները։
Աշխատանքային միգրանտներից ստացված եկամուտները կարող են մի քանի անգամ աճել, եթե Ռուսաստանի ԵԱՏՄ գործընկերները, իսկ հեռանկարում նաև ԱՊՀ մյուս երկրները միանան Ռուսաստանի ԿԲ-ի Արագ վճարումների համակարգին (ԱՎՀ): Այժմ նման հնարավորություն է մշակում Բելառուսը, որը կարող է համակարգին միանալ արդեն 2022թ․-ի կեսին։
Աշխատավարձից բացի ուրիշ ինչ. 2021-ին քաղաքացիների ծախսերի մասին ՀՀ ԿԲ–ի ենթադրությունները
