ԵՐԵՎԱՆ, 9 մայիսի, Sputnik. Մայիսի 9-ին, ժամը 13:54-ին Ճգնաժամային կառավարման ազգային կենտրոն ահազանգ է ստացվել, որ Երևանի Կոմիտասի պողոտայում՝ շուկայի մոտակայքում, այրվում է ավտոմեքենա։ Տեղեկությունը հայտնում են Արտակարգ իրավիճակների նախարարությունից։
Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ:
© Photo : official site of the MES of RAԿոմիտասի պողոտայում երթուղային «GAZel» է այրվել
![Կոմիտասի պողոտայում երթուղային «GAZel» է այրվել Կոմիտասի պողոտայում երթուղային «GAZel» է այրվել - Sputnik Արմենիա, 1920, 09.05.2021](https://cdn.am.sputniknews.ru/img/07e5/05/09/27479403_0:0:1000:716_1920x0_80_0_0_fb567f65e1da93b21f717fe34d4676d0.jpg)
Կոմիտասի պողոտայում երթուղային «GAZel» է այրվել
© Photo : official site of the MES of RA
Հրշեջ-փրկարարները հրդեհը մեկուսացրել են ժամը 14։04-ին, մարել՝ 14։07-ին։
Այրվել է թիվ 31 երթուղին սպասարկող «GAZel» մակնիշի ավտոմեքենան (վարորդ՝ Ա. Ա., ծնված 1967 թ․), և մասամբ ջերմահարվել մոտակա կանգառի գովազդային վահանակը (մոտ 4 քմ)։