ԵՐԵՎԱՆ, 8 մայիսի - Sputnik. Իսրայելցի ոստիկանը հարձակվել Է Ruptly–ի օպերատորի վրա, որը նկարահանել է Երուսաղեմում Ալ Աքսա մզկիթի մոտ տեղի ունեցած անկարգությունները։ Տեղեկությունը հայտնում է RT DE-ի և Ruptly-ի ղեկավար Դինարա Տոկտոսունովան։
Telegram-ում հրապարակված տեսանյութում լսվում է, թե ինչպես է ոստիկանը սպառնում կոտրել տեսախցիկը։ Դատելով կադրերից՝ նա հարվածում է և տեսախցիկը խլում լրագրողի ձեռքից։
«Մեր գործընկերը կարճ ժամանակով ընդհատել է հեռարձակումը, բայց հետո շարունակել է աշխատել բախումների վայրում»,– գրել է Տոկտոսունովան:
Երեկ երեկոյան Արևելյան Երուսաղեմի երկու շրջանում՝ Տաճարի լեռան մոտ և Շեյխ Ջարախ թաղամասում, խռովություններ են սկսվել։ Կարմիր մահիկի տվյալներով՝ տուժել է առնվազն 163 մարդ։
Արդեն ավելի քան մեկ շաբաթ է` այդ շրջանում բողոքի ցույցեր են կազմակերպվում։ Այնտեղ արաբների մի քանի ընտանիքներ են ապրում, Իսրայելի դատարանը որոշել է վտարել նրանց։
1956 թվականին Հորդանանի կառավարությունը ՄԱԿ-ի մերձավորարևելյան գործակալության հետ համագործակցությամբ 28 ընտանիք է բնակեցրել Շեյխ Ջարախ թաղամասում, սակայն նրանց սեփականության իրավունքի փաստաթղթեր չեն տվել։
Իրաքում երկու լրագրող է սպանվել. տեսանյութ (18+)
ՄԱԿ-ի մերձավորարևելյան կարգավորման հարցերով հատուկ դեսպանորդ Թոր Վենեսլանդը մտահոգություն է հայտնել Արևելյան Երուսաղեմում տիրող իրադրության կապակցությամբ և Իսրայելին հորդորել է դադարեցնել մարդկանց տեղահանումը։
Մարգարիտա Սիմոնյանը հայտնել է, որ Եմենում RT-ի լրագրողի հասցեին սպառնալիքներ են հնչել
