ԵՐԵՎԱՆ, 4 մայիսի –Sputnik. «Պոբեդա» լոուքոսթերը (ընդգրկված է «Աերոֆլոտ» խմբում) հունիսից կսկսի դեպի Գյումրի թռիչքներ իրականացնել Կրասնոդարից, Մինվոդիից ու Սոչիից։ Տեղեկությունը հայտնում է ընկերության մամուլի ծառայությունը:
Ուղիղ չվերթերի տոմսերն արդեն վաճառվում են։
«Կրասնոդարից ու Սոչիից չվերթերը կմեկնարկեն հունիսի 1-ից ու կիրականացվեն համապատասխանաբար ուրբաթ և շաբաթ օրերին։ Իսկ Մինվոդիից չվերթերը կիրականացվեն հունիսի 2-ից` կիրակի օրերին», - նշված է հաղորդագրության մեջ:
Ամռան ընթացքում «Պոբեդան» նաև շաբաթական մեկ անգամ Մոսկվա–Գյումրի չվերթ կիրականացնի:
Հիշեցնենք` կորոնավիրուսի համավարակի պատճառով Ռուսաստանը 2020 թվականի մարտի 27-ից դադարեցրել էր կանոնավոր ու չարտերային թռիչքները, բացառություն էին կազմում միայն ՌԴ քաղաքացիներին վերադարձնելու, ինչպես նաև բեռնատար, փոստային, սանիտարական ու մի շարք այլ չվերթերը: Անցյալ տարվա օգոստոսից Ռուսաստանը սկսեց աստիճանաբար վերսկսել միջազգային թռիչքները։
Այժմ թույլատրվում է թռիչքներ իրականացնել դեպի Շվեյցարիա, Եգիպտոս, ԱՄԷ, Բելառուս, Ղրղզստան, Ղազախստան, Սերբիա, Հարավային Կորեա, Ճապոնիա, Եթովպիա, Ֆինլանդիա, Վիետնամ, Հնդկաստան, Կատար, Հունաստան, Սինգապուր, Ադրբեջան, Հայաստան, Գերմանիա, Վենեսուելա, Սիրիա, Տաջիկստան, Ուզբեկստան, Կուբա, Սեյշելյան կղզիներ, Մալդիվներ և Շրի Լանկա: Բացի այդ, թռիչքներ էին իրականացվում նաև Մեծ Բրիտանիայի, Տանզանիայի և Թուրքիայի ուղղությամբ, սակայն համավարակային իրավիճակի պատճառով առաջին երկու ուղղությունները դադարեցվեցին, իսկ Թուրքիայի ուղղությամբ թռիչքները սահմանափակվեցին։
Հայաստանի ու Ղազախստանի միջև կարող են կրկին ուղիղ ավիաչվերթեր գործել
