ԵՐԵՎԱՆ, 28 ապրիլի-Sputnik. Տեխասի A&M համալսարանի գիտնականները սարք են մշակել, որը կարող է մեկ վայրկյանում ընթացքում ոչնչացնել SARS-CoV-2 կորոնավիրուսը: Հետազոտության տվյալները հրապարակվել են Phys.org կայքում։
Սարքը չժանգոտվող պողպատից պատրաստված խողովակ է, որի միջով անցնում է կորոնավիրուս պարունակող լուծույթը, իսկ սարքը տաքացվում է մինչև 72 աստիճան։ Այս ջերմաստիճանում վիրուսի պարունակությունը լուծույթում նվազում է 100 հազար անգամ: Դա բավական է այն չեզոքացնելու համար։
Հետազոտողները ենթադրում են, որ այս ջերմային մշակումը հնարավոր է կիրառել գոյություն ունեցող ջեռուցման, օդափոխության և օդորակման համակարգերում ՝ տարածություններում վիրուսի չեզոքացման համար:
2019–ի դեկտեմբերի 31–ից առ այսօր աշխարհում կորոնավիորւսի հետևանքով մահացել է ավելի քան 3,1 մլն մարդ:
