ԵՐԵՎԱՆ, 26 ապրիլի - Sputnik. Այսօր ավտովթար է տեղի ունեցել Տավուշի մարզում. մեքենայի ղեկին անչափահաս է եղել. գրում է Shamshyan.com-ը։
«Ժամը 16:30-ի սահմաններում Արծվաբերդ բնակավայրի բնակիչ, 17-ամյա Գրիգոր Մ.-ն իր վարած Opel Vectra ավտոմեքենայով Արծվաբերդ-Բերդ ավտոճանապարհին դուրս է եկել ճանապարհի երթևեկելի գոտուց, բախվել ճամփեզրի հողաթմբին և կողաշրջվել։ Վթարի հետևանքով Գրիգոր Մ.-ն և ուղևոր, Արծվաբերդ բնակավայրի բնակիչ, 17-ամյա Սերգեյ Ո.-ն մարմնական վնասվածքներով տեղափոխվել են Բերդ քաղաքի բժշկական կենտրոն»,–գրված է կայքում։
Փաստի առթիվ նյութեր են նախապատրաստվում: Ոստիկանությունը պարզում է ավտոմեքենայի սեփականատիրոջ ինքնությունը։
