ԵՐԵՎԱՆ, 25 ապրիլի – Sputnik. Հեռուստաաստղ և գործարար Քիմ Քարդաշյանն արձագանքել է ԱՄՆ նախագահ Ջո Բայդենի հայտարարությանը՝ կապված Հայոց ցեղասպանության 106-րդ տարելիցի հետ։ Քարդաշյանը գրառում է արել իր Instagram-ում։
«Հայ համայնքի համար դա երկար ճանապարհ էր, և տարեց տարի ես զգում էի, որ մենք բոլորս մոտ ենք Ցեղասպանությունը ճանաչելուն։ Վերջապես այդ օրը եկավ։ Ես այնքան եմ հպարտանում իմ արմատներով, հայ համայնքով և երախտապարտ եմ նախագահ Բայդենին, որ նա այդ օրը նվիրեց յուրաքանչյուր հայի, շնորհակալ եմ ճշմարտության համար։ Եվ թեև ոչինչ չի վերադարձնի սպանված հայերին, ես հույս ունեմ, որ նրանց սերունդները թեթևություն կզգան», - գրել է Քարդաշյանը։
Նա ընդգծել է, որ շարունակելու է հարգել Հայոց ցեղասպանության զոհերի հիշատակը, «բայց արդեն հույսով, որ դրա ճանաչմամբ մենք այլևս թույլ չենք տա անցյալի հանցագործությունների կրկնություն»։
Ամենայն հայոց կաթողիկոսը երախտագիտություն է հայտնել Ջո Բայդենին
Հիշեցնենք, որ ապրիլի 24-ին իր ամենամյա ուղերձում ԱՄՆ նախագահ Ջո Բայդենը ճանաչել և դատապարտել է Հայոց ցեղասպանությունը՝ օգտագործելով «ցեղասպանություն» եզրույթը։
