ԵՐԵՎԱՆ, 24 ապրիլի - Sputnik․ Մեր թշնամին իր դեմքը չի փոխել ու չի էլ փոխելու։ Այսօր Ծիծեռնակաբերդում լրագրողների հետ զրույցում ասաց ԵԿՄ նախագահ, ԱԺ «Իմ քայլը» խմբակցության պատգամավոր Սասուն Միքայելյանը` խոսելով 1 դար առաջ տեղի ունեցած Հայոց ցեղասպանության ու Թուրքիայի այսօրվա քաղաքականության մասին։
«Այս ամենից խուսափելու համար մենք պետք է կարողանանք լինել համախմբված, հզոր, նորմալ պետություն ու հզոր բանակ ունենանք,– ասաց նա,– ես` որպես պատերազմով անցած մարդ, կարող եմ ասել` մենք ունենք դարավոր թշնամի, դա թուրքն է, որից միշտ պիտի զգույշ լինենք, միշտ պիտի փայտը ձեռքներիս լինի»։
Միքայելյանը կարծիք հայտնեց, որ հայ ժողովրդին չի հաջողվել պատմությունից դասեր քաղել։
«Մենք կարողացանք 2-րդ հազարամյակի վերջին համախմբվել, Վազգեն Սարգսյանի շնորհիվ տանել հաղթանակ»,– ասաց Միքայելյանը։
Նա հավելեց` եթե մեզ չհաջողվեր Արցախում 1992թ–ին հաղթանակ տանել, մենք նորից կցեղասպանվեինք։
Բայդենի կողմից Հայոց ցեղասպանության ճանաչումը նոր ժամանաշրջանի սկիզբ կդառնա. թուրք գրող
