ԵՐԵՎԱՆ, 24 ապրիլի – Sputnik. ԱՄՆ նախագահ Ջո Բայդենի հայտարարությունից հետո Թուրքիան պետք է լիարժեք վերահսկողություն սահմանի Ադանայում գտնվող «Ինջիրլիք» ավիաբազայի նկատմամբ ու ԱՄՆ ուղարկի այնտեղ տեղակայված ամերիկյան ռամաօդային ուժերին։ ՏԱՍՍ-ին տված հարցազրույցում նման կարծիք է հայտնել թուքական «Հայրենիք» կուսակցության նախագահ Դողու Փերինչեքը:
«Թուրքական զինված ուժերը պետք է անհապաղ լիակատար վերահսկողություն հաստատեն «Ինջիրլիք» ավիաբազայի վրա և 15 օրվա ընթացքում հայրենիք վերադարձնեն այնտեղ գտնվող ամերիկացի զինվորականներին», - ասել է թուրք քաղաքական գործիչը:
Արդեն տևական ժամանակ է` ոչ պաշտոնական լուրեր են պտտվում, որ Միացյալ Նահանգները մտադիր է հեռանալ Թուրքիայի «Ինջիրլիք» ավիաբազայից։
Ըստ այդ մեկնաբանությունների` չի բացառվում, որ Թուրքիայից հեռանալուց հետո ամերիկյան զորամիավորումները տեղակայվեն հունական կղզիներից մեկում:
Միակ հիմքը պոպուլիզմն է. Թուրքիայի առաջին արձագանքը Բայդենի հայտարարությանը
Թուրքիայի հետ հարաբերությունների սրմանը զուգահեռ Միացյալ Նահանգներն ամրապնդում է ռազմական ոլորտում Հունաստանի հետ հարաբերությունները:
Հիշեցնենք` ԱՄՆ նախագահ Ջո Բայդենը ապրիլքսանչորսյան ամենամյա ուղերձում ճանաչել ու դատապարտել է Հայոց ցեղասպանությունը` օգտագործելով հենց «ցեղասպանություն» եզրույթը։
