ԵՐԵՎԱՆ, 22 ապրիլի – Sputnik. ՌԴ պաշտպանության նախարար Սերգեյ Շոյգուն հայտարարել է, որ Հարավային և Արևմտյան ռազմական օկրուգներում զորքերի ստուգումն ավարտվել է, նա կարգադրել է զինծառայողներին վերադարձնել մշտական տեղակայման վայրեր:
Ինչպես հաղորդում է ՌԻԱ Նովոստին, Հարավային ռազմական օկրուգի 58-րդ բանակի, կենտրոնական ռազմական օկրուգի 41-րդ բանակի, օդադեսանտային զորքերի յոթերորդ, 76-րդ և 98-րդ դիվիզիաների անձնակազմը պետք է մշտական տեղակայման վայրեր վերադառնան մինչև մայիսի 1-ը:
Գերատեսչության ղեկավարը հայտարարել է, որ հանկարծակի ստուգման խնդիրը լիովին կատարվել է, զորքերը ցուցադրել են երկրի հուսալի պաշտպանություն ապահովելու ունակությունը։
«Ռուսական զինված ուժերը համարժեք արձագանք են տալիս ռուսական սահմանների մոտ իրավիճակի բոլոր փոփոխություններին։ Այստեղ՝ Ղրիմում, հանկարծակի ստուգման ընթացքում մշակվել են ծովային ափերի հակադեսանտային պաշտպանության գործողությունները», - ասել է նախարարը։
Պաշտպանության նախարարը գլխավոր շտաբին, ռազմական օկրուգների զորքերի հրամանատարին և օդադեսանտային ծառայություններին հրահանգել է մանրամասն վերլուծություն կատարել և ամփոփել զորքերի հանկարծակի ստուգման արդյունքները:
Շոյգուն նաև կարգադրել է խրախուսել աչքի ընկած զինծառայողներին:
Ավելի վաղ հայտնել էինք, որ Ղրիմում լայնածավալ զորավարժություններ են սկսվել։
Շոյգուն բոլոր ռազմական շրջաններում բանակի մարտունակության ստուգումներ սկսելու մասին հայտարարել էր ապրիլի սկզբին: Ղրիմում կայացած խորհրդակցության ժամանակ նա ընդգծել էր, որ այդ տարածաշրջանում զգալիորեն աճել Է ՆԱՏՕ-ի ռազմական և հետախուզական ակտիվությունը:
Դոնբասյան ակնարկներն ու Լուկաշենկոյի պաշտպանությունը․ փորձագետները՝ Պուտինի ուղերձի մասին
