Թաֆթսի համալսարանին կից ծերացման կենտրոնի գիտնականները պարզել են, տարեց մարդկանց մոտ վիտամին K-ի ցածր մակարդակը կապված է շարժունակության սահմանափակման ու հաշմանդամության մեծ ռիսկի հետ։
Մասնագետները վերլուծել են 70-79 տարեկան ավելի քան 1200 հիվանդների տվյալները։ Նրանց շարժունակության մակարդակը, ինչպես նաև առողջության այլ ցուցանիշները որոշվել են յուրաքանչյուր կես տարին մեկ:
Հետազոտության արդյունքում գիտնականները եկել են մի հետաքրքիր եզրակացության՝ վիտամին K-ի ցածր մակարդակը կապված է տարեց մարդկանց շարժունակության սահմանափակման ու հաշմանդամության մեծ ռիսկի հետ: Խորհուրդ է տրվում հաշվի առնել այս գործոնը։
«Վիտամին K-ի ցածր քանակությունը կապված է քրոնիկական հիվանդությունների առաջացման հետ, որոնք հանգեցնում են հաշմանդամության», - ասում են համալսարանի ներկայացուցիչները, սակայն հստակեցնում են, որ փոխկապակցվածության ուսումնասիրությունը վաղ փուլում է:
Այն մեզ սպանում է ամեն օր. բժիշկը պատմել է «մահացու» սննդամթերքի մասին
Վիտամին K-ն անհրաժեշտ է սպիտակուցների սինթեզի համար, որով ապահովվում է արյան ճիշտ մակարդելիությունը։ Այս վիտամինի մեծ քանակություն կա կանաչիներում, որոշ մրգերում և բանջարեղենում, ինչպես նաև կաթնամթերքում։
