ԵՐԵՎԱՆ, 19 ապրիլի – Sputnik․ ՀՀ բարձր տեխնոլոգիական արդյունաբերության նախարար Հայկ Չոբանյանը, ՀՀ արտաքին գործերի նախարար Արա Այվազյանը և ՀՀ էկոնոմիկայի նախարար Վահան Քերոբյանն այսօր այցելել են «Ինժեներական քաղաք»: Տեղեկությունը Facebook–ի էջում հայտնում է ԲՏԱ մամուլի ծառայությունը:
![Մեր պատասխանն Ադրբեջանին` պետք է լինի արդյունաբերական Հայաստանը. ԲՏԱ նախարար Մեր պատասխանն Ադրբեջանին` պետք է լինի արդյունաբերական Հայաստանը. ԲՏԱ նախարար - Sputnik Արմենիա, 1920, 19.04.2021](https://cdn.am.sputniknews.ru/img/07e5/04/13/27234779_0:0:1600:1066_1920x0_80_0_0_31401315069879dcd06c538342ea8202.jpg)
Հայկ Չոբանյանի խոսքով՝ «Ինժեներական քաղաքը» լինելու է հայկական ինժեներական մտքի դարբնոցը։
«Ինժեներական քաղաքից առավել այսօր կխոսենք արդյունաբերական քաղաքի մասին: Մեր պատասխանը Ադրբեջանին պետք է լինի արդյունաբերական Հայաստանը»,- նշել է Չոբանյանը։ Առաջիկա տասը տարիների ընթացքում պետք է վերականգնենք Հայաստանի երբեմնի արդյունաբերական երկիր լինելու հեռանկարը»,- ընդգծել է նախարարը:
«Ինժեներական ասոցիացիայի» խորհրդի նախագահ Արամ Սալաթյանը նախարարներին տեղեկացրել է, որ շինարարական աշխատանքները սկսվելու են հունիս֊հուլիս ամիսներին՝ 7 ռեզիդենտ ընկերությունների կողմից: Նրա խոսքով՝ գիտելիքի մասով ծրագիրը բավականին հաջող է ընթանում, իսկ արտադրության հետ կապված դեռևս որոշակի անելիքներ կան:
![Մեր պատասխանն Ադրբեջանին` պետք է լինի արդյունաբերական Հայաստանը. ԲՏԱ նախարար Մեր պատասխանն Ադրբեջանին` պետք է լինի արդյունաբերական Հայաստանը. ԲՏԱ նախարար - Sputnik Արմենիա, 1920, 19.04.2021](https://cdn.am.sputniknews.ru/img/07e5/04/13/27234790_0:0:1600:1066_1920x0_80_0_0_e901d7827bff05f6d9459d59ed63e1c4.jpg)
ՀՀ արտաքին գործերի նախարար Արա Այվազյանն առաջարկել է իր ղեկաված գերատեսչության աջակցությունը «Ինժեներական քաղաքի» միջազգային համագործակցության հետ կապված խնդիրները լուծելու համար։ Նրա խոսքով՝ մի շարք ֆրանսիական և այլ ընկերություններ արդեն իսկ հետաքրքրվածություն են ցուցաբերել ծրագրի նկատմամբ:
![Մեր պատասխանն Ադրբեջանին` պետք է լինի արդյունաբերական Հայաստանը. ԲՏԱ նախարար Մեր պատասխանն Ադրբեջանին` պետք է լինի արդյունաբերական Հայաստանը. ԲՏԱ նախարար - Sputnik Արմենիա, 1920, 19.04.2021](https://cdn.am.sputniknews.ru/img/07e5/04/13/27234785_0:0:1600:1068_1920x0_80_0_0_b401bacf29c815d5b63507e610281ab7.jpg)
ՀՀ էկոնոմիկայի նախարար Վահան Քերոբյանն էլ տեղեկացրել է արդյունաբերական պարկ կառուցելու նախագծի մասին: Նախարարն առաջարկել է քննարկել «Ինժեներական քաղաքի» և «Արդյունաբերական պարկի» հնարավոր համագործակցության շրջանակները:
![Մեր պատասխանն Ադրբեջանին` պետք է լինի արդյունաբերական Հայաստանը. ԲՏԱ նախարար Մեր պատասխանն Ադրբեջանին` պետք է լինի արդյունաբերական Հայաստանը. ԲՏԱ նախարար - Sputnik Արմենիա, 1920, 19.04.2021](https://cdn.am.sputniknews.ru/img/07e5/04/13/27234773_0:0:1600:1067_1920x0_80_0_0_b730bc7b7bb690068781982474bb0ebc.jpg)
Գործընկեր նախարարները պատրաստակամություն են հայտնել միավորելու ուժերը՝ երկրի համար կարևոր այս ծրագրի իրականացման գործընթացում:
![Մեր պատասխանն Ադրբեջանին` պետք է լինի արդյունաբերական Հայաստանը. ԲՏԱ նախարար Մեր պատասխանն Ադրբեջանին` պետք է լինի արդյունաբերական Հայաստանը. ԲՏԱ նախարար - Sputnik Արմենիա, 1920, 19.04.2021](https://cdn.am.sputniknews.ru/img/07e5/04/13/27234760_0:0:1600:1067_1920x0_80_0_0_d65dd79a3946f67157e90620fa7bfb7d.jpg)
Նշենք, որ «Ինժեներական քաղաքի» նպատակը Հայաստանը ինժեներական և բարձր տեխնոլոգիական արտադրանքի ու ծառայությունների՝ գլոբալ շուկաներ արտահանող երկիր դարձնելն է, ինչպես նաև տարածաշրջանային հանգույց՝ ինովացիոն ինժեներական և բարձր տեխնոլոգիական լուծումների համար: