ԵՐԵՎԱՆ, 17 ապրիլի - Sputnik. «Բաց հասարակության հիմնադրամ-Հայաստանի» նախագահ առաջիկայում հնարավոր է նշանակվի հիմնադրամի տեղակալ Դավիթ Ամիրյանը. գրում է «Ժողովուրդ» օրաթերթը։
Նշենք, որ «Բաց հասարակության հիմնադրամներ-Հայաստանի» (հայտնի «Սորոսի հիմնադրամ») գործադիր տնօրեն Լարիսա Մինասյանը երեկ՝ ապրիլի 16-ին, լքեց հիմնադրամի գործադիր տնօրենի պաշտոնը:
«Հիմնադրամի գործադիր տնօրենի պաշտոնում այս պահին միակ թեկնածուն Դավիթ Ամիրյանն է, որը ևս մոտ 20 տարի աշխատում է հիմնադրամում ու աշխատանքային բոլոր գործերին շատ լավ է տիրապետում»,–գրում է թերթը։
Բացի այս, նշվում է նաև, որ 21 տարի հիմնադրամում աշխատած Լարիսա Մինասյանի աշխատելու ցանկությունը կորել է ամուսնու մահից հետո (ամուսինը վերջերս է մահացել կորոնովիրուսից):
Հիշեցնենք, որ ապրիլի 9-ին հայտնի դարձավ, որ Լարիսա Մինասյանը թողնելու է հիմնադրամի գործադիր տնօրենի պաշտոնը:
Պահանջում են արտահերթ ընտրություններ․ Սորոսի հիմնադրամի ու Փաշինյանի միջև սև կատու է անցել
