00:00
01:00
02:00
03:00
04:00
05:00
06:00
07:00
08:00
09:00
10:00
11:00
12:00
13:00
14:00
15:00
16:00
17:00
18:00
19:00
20:00
21:00
22:00
23:00
00:00
01:00
02:00
03:00
04:00
05:00
06:00
07:00
08:00
09:00
10:00
11:00
12:00
13:00
14:00
15:00
16:00
17:00
18:00
19:00
20:00
21:00
22:00
23:00
Ուղիղ եթեր
09:00
6 ր
Ուղիղ եթեր
09:20
6 ր
Ուղիղ եթեր
12:00
5 ր
Ուղիղ եթեր
13:00
5 ր
Ուղիղ եթեր
14:00
4 ր
Исторический ликбез
Победа под Полтавой: почему Северная война продолжалась?
15:04
23 ր
Исторический ликбез
Полтавская битва: как русские шведов разгромили
15:33
24 ր
Ուղիղ եթեր
17:00
5 ր
Ուղիղ եթեր
18:00
5 ր
Աբովյան time
On air
18:19
41 ր
Ուղիղ եթեր
19:00
4 ր
ԵրեկԱյսօր
Եթեր
ք. Երևան106.0
ք. Երևան106.0
ք. Գյումրի90.1

Արմեն Սարգսյանը Թբիլիսիում պատմել է` ինչի մասին է խոսել վրացի գործընկերների հետ

© Sputnik / Aram NersesyanВстреча президента Армении Армена Саркисяна со спикером парламента Грузии Арчилом Талаквадзе (16 апреля 2021 год), Тбилиси.
Встреча президента Армении Армена Саркисяна со спикером парламента Грузии Арчилом Талаквадзе (16 апреля 2021 год), Тбилиси. - Sputnik Արմենիա, 1920, 16.04.2021
Բաժանորդագրվել
Արմեն Սարգսյանը Վրաստանի նախագահ Սալոմե Զուրաբիշվիլիի հետ պետք է այցելեր Ջավախքի հայաբնակ շրջան, բայց կորոնավիրուսն ու սահմանափակումները խանգարել են։

ԵՐԵՎԱՆ, 16 ապրիլի – Sputnik. ՀՀ նախագահ Արմեն Սարգսյանը Երևան վերադառնալուց առաջ ամփոփել է վրացի գործընկերոջ` Սալոմե Զուրաբիշվիլիի և այլ պաշտոնյաների հետ հանդիպումների արդյունքները: Թբիլիսիի Սուրբ Գևորգ եկեղեցում լրագրողների հետ զրույցում նա նշել է, որ իր այցը դրական պտուղներ կտա։

Президент Армении Армен Саркисян возложил цветы возложил цветы к мемориалу героям (16 апреля 2021 год). Тбилиси - Sputnik Արմենիա, 1920, 16.04.2021
Արմեն Սարգսյանը Թբիլիսիի Հերոսների հրապարակում ծաղիկներ է խոնարհել անմար կրակի մոտ

Նախագահը կարծում է, որ Հայաստանը, փոքր երկիր լինելով, պետք է ակտիվ և եռանդուն քաղաքականություն վարի բոլոր չորս հարևանների հետ։

«Մենք պետք է ակտիվ, էներգիայով լի արտաքին քաղաքականություն վարենք, Հայաստանն այլընտրանք չունի»,-ասել է նախագահը:

Նրա խոսքով` Հայաստանը պետք է այդպիսի քաղաքականություն վարի ոչ միայն խոշոր տերությունների, այլև ամբողջ աշխարհի՝ փոքր պետությունների նկատմամբ, հատկապես բարեկամ երկրների հետ: Բացի այդ, հայկական դիվանագիտությունը պետք է այս կամ այլ կերպ աշխատի նաև Հայաստանի հանդեպ թշնամաբար տրամադրված պետությունների հետ։

Սարգսյանը հայտարարել է, որ Վրաստանը Հայաստանի բարեկամ երկիրն է, ինչն ապացուցել է պատմությունը։ Նախագահն ընդգծել է, որ ուրախությամբ է եկել Վրաստան, երբ Սալոմե Զուրաբիշվիլին հաստատել է երկու տարվա վաղեմության իր հրավերը:

Վրաստանի իր գործընկերոջ և այլ բարձրաստիճան պաշտոնյաների հետ հանդիպումների ընթացքում Սարգսյանը քննարկել է երկկողմ օրակարգի հարցերի լայն շրջանակ, ինչպես նաև տարածաշրջանում տիրող իրավիճակը:

Հարթակ

Կողմերը մտքեր են փոխանակել քաղաքական և տարածաշրջանային իրադարձությունների, այդ թվում՝ պատերազմի վերաբերյալ։ Նախագահը Վրաստանի իշխանություններին ներկայացրել է Հայաստանի դիրքորոշումը արցախյան վերջին իրադարձությունների, պատերազմի հետևանքների, Ադրբեջանի կողմից գերիների հարցը օգտագործելու վերաբերյալ:

Встреча президента Армении Армена Саркисяна и Патриарха всея Грузии Илии II (16 апреля 2021 год), Тбилиси - Sputnik Արմենիա, 1920, 16.04.2021
Արմեն Սարգսյանն այցելել է Համայն Վրաստանի պատրիարք Իլյա Երկրորդին

«Դա անթույլատրելի է և անընդունելի, հակամարդկային քայլ է, և իմ դերն այդ հարցը բարձրացնելն է։ Երբ դու այդ մասին խոսում ես այստեղ, քեզ լսում են ոչ միայն Վրաստանի նախագահը, վրաց հասարակությունը, այլև միջազգային հանրությունը»,-ասել է Սարգսյանը։

Սարգսյանն ընդգծել է, որ առանց ղարաբաղյան հարցի վերջնական և արդարացի լուծման անհնար է տարածաշրջանում կայունության և անվտանգության ապահովման հասնել: Ինչ վերաբերում է Հայաստանի և Ադրբեջանի միջև երկխոսության համար Թբիլիսիի առաջարկած հարթակին, նախագահը նշել է, որ այդ առաջարկն առաջին անգամ չէ, որ հնչում է:

«Սա անկեղծ առաջարկ է, բայց որտե՞ղ, ո՞վ և ինչի՞ մասին պետք է բանակցի՝ ինձ համար առայժմ անհասկանալի է։ Միջպետական համագործակցության կամ համատեղ ծրագրերի մասին խոսելուց առաջ հակառակորդը պետք է տարրական մարդկային վերաբերմունք ցուցաբերի»,-ասել է Սարգսյանը։

Նա նշել է` չի հիշում, որ արցախյան առաջին պատերազմից հետո հայկական կողմը Բաքվի նկատմամբ նման վերաբերմունք ցուցաբերեր։
Նախագահը հիշեցրել է, որ պատերազմից հետո Հայաստանն ու հայ ժողովուրդը բախվել են տարբեր խնդիրների: Հազարավոր երիտասարդներ են զոհվել, վիրավորվել։ Դա հսկայական ծանրություն է՝ հոգեբանական, բարոյական, ֆիզիկական և ոչ միայն։

Համատեղ նախագծեր

Նախագահն ընդգծել է, որ վրացական կողմի հետ քննարկել է համատեղ նախագծերի իրականացման հնարավորությունը, մասնավորապես՝ բիզնեսի ոլորտում: Նա հիշեցրել է, որ Վրաստանում բազմաթիվ հայկական ձեռնարկություններ կան, ինչպես և Հայաստանում՝ վրացական կապիտալով ընկերություններ։

Официальный ужин в честь президента Грузии Саломе Зурабишвили (13 марта 2019). Еревaн - Sputnik Արմենիա, 1920, 15.04.2021
Արմեն Սարգսյանը նկարել է Արարատ լեռը. Վրաստանի նախագահը լուսանկար է հրապարակել

«Վրաստանը մաքսային առավելություններ ունի Չինաստանի և Եվրոպայի հետ, իսկ Հայաստանը ԵԱՏՄ անդամ է։ Պատկերացրեք, որ հայ-վրացական համատեղ ձեռնարկություններն իրենց ապրանքները կարող են արտահանել ԵՄ, Չինաստան, ԵԱՏՄ»,-ասել է Սարգսյանը։

Բացի այդ, երկու երկրները կարող են համագործակցել մշակույթի, կրթության, ՏՏ տեխնոլոգիաների ոլորտներում, առողջապահության ոլորտում՝ COVID-19-ի դեմ պայքարի մասով: Նախագահը կարծում է, որ երկու երկրների շուկաները մեծ չեն, բայց եթե միավորվեն, ապա շատ ավելի գրավիչ կդառնան ներդրողների համար:

Հայաստանի նախագահը նշել է, որ իր վրացի գործընկեր Սալոմե Զուրաբիշվիլիի հետ պետք է այցելեր նաև Ջավախք, բայց կորոնավիրուսն ու սահմանափակումները խանգարել են:

«Ես հասկանում եմ, որ կորոնավիրուսի պայմաններում այդ տարածք այցելելն անհնար է, քանի որ նույն պատճառով չի կարելի այնտեղ հանդիպել և շփվել մարդկանց հետ»,-ասել է նախագահը։

Հիշեցնենք` ՀՀ նախագահ Արմեն Սարգսյանը տիկնոջ՝ Նունե Սարգսյանի հետ Թբիլիսի է մեկնել երկօրյա պաշտոնական այցով։ Նրան Թբիլիսիի միջազգային օդանավակայանում դիմավորել է Դավիթ Զալկալիանին։ Սարգսյանը ՀՀ նախագահի պաշտոնը ստանձնելուց հետո երրորդ անգամ է այցելում Վրաստան։ Առաջին անգամ նա Թբիլիսի էր մեկնել 2018 թվականի մայիսի 26-ին Վրաստանի առաջին ժողովրդավարական հանրապետության հիմնադրման 100-ամյակի տոնակատարությանը: Իսկ 2018 թվականի դեկտեմբերին ՀՀ նախագահը մասնակցել էր Վրաստանի նախագահ Սալոմե Զուրաբիշվիլիի երդմնակալության արարողությանը:

Լրահոս
0