ԵՐԵՎԱՆ, 10 ապրիլի – Sputnik. Հանրահայտ դիմահարդար Գոհար Ավետիսյանը, որին հաճախ «մեյքափի գուրու» են անվանում Ռուսաստանում ու Հայաստանում, երկրպագուներին ցույց է տվել, թե ինչպես է ամուսնու ու որդու` Գասպարի հետ հանգստանում մալդիվյան լողափում: Նա Instagram-ի իր էջում լուսանկարներ ու տեսանյութ է հրապարակել։
«Ամենաոչինստագրամյան զույգը՝ առանց քաղցր–մեղցր գրառումների ու մինչև մահ իրար սիրելու երդումների։ Եթե ես բանաստեղծ լինեի, իմ հարաբերությունների մասին «Սիրում եմ ու ատում» վերնագրով բանաստեղծություն կգրեի, որովհետև ինքս էլ եմ մինչև հիմա ապշած, թե ինչպես են երկու այսքան տարբեր մարդիկ ընդհանրապես գտել միմյանց», - գրել է նա։
Գոհարն իր էջի հետևորդներին հորդորել է լուսանկարները թերթել մինչև վերջ, քանի որ վերջում տեսանյութ կա այն մասին, թե ինչու է ինքը ծեծել ամուսնուն։
Посмотреть эту публикацию в Instagram
Նշենք, որ դիմահարդարն իր սպիտակ զգեստով ու ռոմանտիկ կերպարով կրկին հիացրել է երկրպագուներին, քանի որ նա նիհարելուց հետո հիմա իսկապես հիանալի տեսք ունի։ Հիշեցնենք`Գոհար Ավետիսյանը արմատներով Գեղարքունիքի մարզի Մարտունի քաղաքից է, նրա ընտանիքը Մոսկվա է տեղափոխվել, երբ Գոհարն ընդամենը մեկ տարեկան է եղել։ Նա հավասարապես սիրում է թե՛ Ռուսաստանը, թե՛ Հայաստանը։ Գոհարը դիմահարդարման իր վարպետությամբ բառացիորեն գրավել է Մոսկվան։ Կոսմետիկ նյութերով սկսել է աշխատել դեռ 11-12 տարեկանում։
Посмотреть эту публикацию в Instagram
Ինչպես է Գոհար Ավետիսյանի տատը նրան ուղարկում հավաբուն` ձու բերելու. զվարճալի տեսանյութ
16 տարեկանում ընդունվել է Ռուսաստանի ժողովրդական տնտեսության և պետծառայության ակադեմիայի տնտեսագիտության ֆակուլտետ։ Դեռ առաջին կուրսում սկսել է շպարել բոլոր ընկերուհիներին ու ծանոթներին։ Սիրելի զբաղմունքը վերածվել է աշխատանքի, և նա ստիպված է եղել թողնել ուսումը։
«Ատոմային զենք ես». Գոհար Ավետիսյանը փայլել է իր շքեղ կազմվածքով
Արդյունքում 2012թ-ին Գոհարը սկսել է դասավանդել։ Սկզբում դիմահարդարման վարպետության դասընթացներ էր անցկացնում, իսկ հիմա արդեն սեփական դպրոցն ու ստուդիան ունի Մոսկվայի կենտրոնում։
«Ո՜նց ես նրբացել». Գոհար Ավետիսյանին պլաստիկ վիրահատությունն օգնել է նիհարել. լուսանկար
