ԵՐԵՎԱՆ, 10 ապրիլի – Sputnik. «Our game» ֆուտբոլային ընկերական միջազգային մրցաշարի երկրորդ տուրում Հայաստանի կանանց ազգային հավաքականն այսօր մրցել է Հորդանանի թիմի հետ։
Հայաստանի ֆուտբոլի ֆեդերացիայի մամուլի ծառայությունը հայտնում է, որ Չարենցավանի քաղաքային մարզադաշտում կայացած հանդիպումն ավարտվել է ոչ-ոքի՝ 1:1 հաշվով:
Գոլերի հեղինակ են դարձել Օլգա Օսիպյանն ու Մայսա Ջբարահը։
Հայաստանի կանանց ազգային հավաքականն ապրիլի 8-ին հաղթել էր Լիբանանին։
Ավելի վաղ հայտնել էինք, որ Հայաստանում պատմության մեջ առաջին անգամ կանանց ֆուտբոլի միջազգային ընկերական մրցաշար է անցկացվում:
Մրցաշարը մեկնարկել է ապրիլի 7-ին։ Առաջին տուրում Չարենցավանում մրցել են Լիտվայի և Հորդանանի ազգային հավաքականները: Լիտվայի հավաքականը հաղթել է 1:0 հաշվով:
