ԵՐԵՎԱՆ, 9 ապրիլի - Sputnik․ ԱԺ Պաշտպանության և անվտանգության հարցերի մշտական հանձնաժողովի նախագահ, «Իմ քայլը» խմբակցության անդամ Անդրանիկ Քոչարյանը լրագրողների հետ զրույցում փորձեց պարզաբանել երեկվա միջադեպը՝ կապված գերիների չհաջողված վերադարձի հետ։
«Իհարկե չգիտեինք, որ այդպես է լինելու, պայմանավորվածություն է եղել, այն խախտվել է, պատճառները հայտնի չեն: Հնարավոր է, որ ինչ-որ խնդիր է արծարծվում, որը խանգարում է գերիների վերադարձին։ Ինտուիցիայով հասկանում եմ՝ ինչ է կատարվում, բայց այդ մասին հնչեցնել չեմ կարող»,- ասաց նա։
Նրա խոսքով՝ հավանաբար հերթական անգամ հակառակորդը խաղի կանոններ է ուզում փոխել:
«Գերիների վերադարձի հարցը տեղի ունեցավ ՀՀ վարչապետի և ՌԴ նախագահի հանդիպումից անմիջապես հետո: Դա քայլ էր, որտեղ երևաց, որ Ռուսաստանն իր մասնակցությունը փորձեց ներդնել խնդրի լուծման գործում: Դրանով է պայմանավորված, որ Մուրադովը գնացել էր ուղեկցելու», - նշեց Անդրանիկ Քոչարյանը:
Հիշեցնենք՝ երեկ տարբեր լրատվամիջոցներին (ներառյալ Sputnik Արմենիան) վարչապետի և փոխվարչապետի մամուլի խոսնակները հաստատել էին տեղեկություններն առ այն, որ երեկոյան ռազմագերիներով օդանավ է ժամանելու Երևան։ Սակայն ինքնաթիռում եղել է միայն ռուս խաղաղապահների հրամանատար Ռուստամ Մուրադովը։
Ադրբեջանը փորձում է գերիներին չվերադարձնելու արդարացում փնտրել. Աննա Նաղդալյան
Նման անպատասխանատու հայտարարությունը մեծ զայրույթ առաջացրեց հանրության շրջանում։
