Ձվեր, կարմիր ներկ ու Փաշինյանի հրաժարականի պահանջ. կանանց բողոքի ակցիայի ամենավառ կադրերը
Ձվեր, կարմիր ներկ ու Փաշինյանի հրաժարականի պահանջ. կանանց բողոքի ակցիայի ամենավառ կադրերը
Sputnik Արմենիա
Ապրիլի 7-ին Երևանի կենտրոնում լարված իրավիճակ էր. կանայք պահանջում էին Նիկոլ Փաշինյանի հրաժարականը, ձվեր նետում կառավարության շենքի ուղղությամբ, ոստիկանները... 07.04.2021, Sputnik Արմենիա
Ապրիլի 7-ին Երևանի կենտրոնում լարված իրավիճակ էր. կանայք պահանջում էին Նիկոլ Փաշինյանի հրաժարականը, ձվեր նետում կառավարության շենքի ուղղությամբ, ոստիկանները բերման էին ենթարկում նրանց։ Sputnik Արմենիան ներկայացնում է ակցիայի ամենավառ կադրերը։
Ապրիլի 7-ը Երևանում երբեք դեռ այսքան թեժ չէր անցել։ Մի քանի տասնյակ կանայք հավաքվել էին Շառլ Ազնավուրի անվան հրապարակում և երթով հասել կառավարության շենք` պահանջելով Նիկոլ Փաշինյանի հրաժարականը։
Կանայք թուրքական ֆես էին վերցրել, որպեսզի այն նվիրեն գործող իշխանությանը։ Նրանք ձվեր նետեցին կառավարության շենքի ուղղությամբ։
Ոստիկանները սկսեցին բերման ենթարկել շարժման մասնակիցներից որոշներին, և ոստիկանների ու ակցիայի մասնակիցների միջև հրմշտոց սկսվեց։ Բերման ենթարկվածների թվում նաև պատերազմի զոհերի հարազատներ կային։
