ԵՐԵՎԱՆ, 7 ապրիլի - Sputnik. ՀՀ կառավարության մոտ բողոքի ակցիա անող «ՎԵՏՕ» շարժման կին անդամները շարժվեցին ոստիկանության կենտրոնի բաժանմունք։ Նրանք հայտնեցին, որ 10-ից ավելի մարդ է քիչ առաջ բերման ենթարկվել։
Հիշեցնենք, որ կառավարության մոտ կանայք բողոքի ակցիա էին անում` պահանջելով վարչապետ Նիկոլ Փաշինյանի և նրա թիմի հրաժարականը։ Ցուցարարները հավկիթներ և կարմիր մեխակներ են նետել կառավարության շենքի ուղղությամբ և փորձել են ներս մտնել։ Սակայն ոստիկանները պատ են կազմել. մի քանի կանայք բերման ենթարկվեցին։
«Բերման ենթարկվածների մեջ է նաև պատերազմում զոհված կապիտան Իշխան Պետրոսյանի դուստրը` Մարգարիտա Պետրոսյանը։ Բերման է ենթարկվել նաև Օմարում զոհված Գևորգ Վիրաբյանի քույրը` Տաթևիկ Վիրաբյանը։ Շարժվենք ոստիկանություն` մեր աջակցությունը նրանց հայտնելու»,–ասաց ակցիայի մասնակիցներից մեկը։
Այս պահին կանայք, ինչպես նաև ակցիային միացած տղամարդիկ, քայլերթով գնում են ոստիականության կենտրոնի բաժանմունք։
