ԵՐԵՎԱՆ, 6 ապրիլի – Sputnik. ՀՀ Սահմանադրական դատարանի որոշմամբ հակասահմանադրական ճանաչված 300․1 հոդվածով քրեական հետապնդումը ՀՀ երկրորդ նախագահ Ռոբերտ Քոչարյանի նկատմամբ դադարեցվեց։
«Մարտի 1»-ի գործով դատավոր Աննա Դանիբեկյանը քիչ առաջ հրապարակեց 300․1 հոդվածի վերաբերյալ դատարանի որոշումը։
«Ռոբերտ Քոչարյանի նկատմամբ ընտրված գրավը վերացնելու կամ դրա չափը նվազեցնելու միջնորդութոյւնը մերժել»,– հայտարարեց դատավորը։
Հիշեցնենք` ապրիլի 2–ին Ռոբերտ Քոչարյանի փաստաբանները դատարանին միջնորդել էին դադարեցնել իրենց պաշտպանյալի նկատմամբ քրեական հետապնդումը՝ ՍԴ-ի կողմից նրան առաջարված Քրեական օրենսգրքի 300.1 հոդվածը հակասահմանադրական ճանաչելու և ըստ այդմ՝ հանցադեպի բացակայության հիմքով։ Միջնորդությանը միացավ նաև Արմեն Գևորգյանի փաստաբան Էրիկ Ալեքսանյանը՝ պահանջելով տվյալ հոդվածով դադարեցնել քրեական հետապնդումը նաև իր պաշտպանյալի նկատմամբ:
Պաշտպանները նաև միջնորդել էին վերացնել ՀՀ երկրորդ նախագահի նկատմամբ կիրառված խափանման միջոց գրավը կամ զգալիորեն նվազեցնել գրավի չափը:
Փաստաբանները նաև դատարանին միջնորդել էին պարտվորեցնել մեղադրող կողմին գրավոր ներողություն խնդրել Ռոբերտ Քոչարյանի նկատմամբ ապօրինի հետապնդում իրականացնելու համար։
Ռոբերտ Քոչարյանի գործով ՍԴ որոշումը կա, բայց կրկին փորձում են ձգձգել քննությունը. Օրբելյան
Նույն դատական նիստում մեղադրող դատախազ Գևորգ Բաղդասարյանը, ներկայացնելով մեղադրող կողմի դիրքորոշումը, մասնավորապես ընդունեց, որ ՍԴ-ի որոշման համաձայն` ամբաստանյալներին առաջադրված 300.1 հոդվածի չեղարկումից հետո այդ հանցակազմը վերացել է, բայց և համոզմունք հայտնեց, որ նույն արարքը կարող է վերաորակավորվել Քրեական օրենքսգրքի այլ՝ 309 հոդվածով:
Ռոբերտ Քոչարյանն ու Վլադիմիր Պուտինը հեռավար հանդիպում են ունեցել. ի՞նչ են քննարկել նրանք
