ԵՐԵՎԱՆ, 3 ապրիլի - Sputnik. Էլեկտրոնային արդարադատության արդի խնդիրները քննարկել են ՌԴ մայրաքաղաքում հյուրընկալված ՀՀ Բարձրագույն դատական խորհրդի պատվիրակության ներկայացուցիչներն ու Մոսկվայի քաղաքային դատարանի գործընկերները։ Տեղեկությունը հայտնում է ԲԴԽ–ի մամուլի և հասարակայնության հետ կապերի ծառայությունը։
«Ռուս մասնագետները հայ գործընկերներին են ներկայացրել իրենց փորձը: Հատկապես կարևորվել է այնպիսի նպատակային ծրագրերի իրականացումը, որոնք վերաբերում են էլեկտրոնային արդարադատության փուլային ներդրմանը, դատական գործերի կառավարման ժամանակակից թվայնացված համակարգին, արդարադատության համակարգային մշտադիտարկմանը, արդարադատության ծախսատարության կրճատմանը»,–նշված է հաղորդագրության մեջ։
Բարձրագույն դատական խորհրդի ներկայացուցիչներն իրենց հերթին ներկայացրել են Էլեկտրոնային արդարադատության համակարգի նորացված ծրագրային ուղղություններով ՀՀ դատական համակարգում, մասնավորապես՝ Երևան քաղաքի դատարանում կատարված աշխատանքը:
ԲԴԽ նախագահը` վեթինգի, վնգստացող դատավորների և դրածո լինելու մասին. բացառիկ հարցազրույց
Հիշեցնենք, որ Ռուսաստանի Գերագույն դատարանի նախագահի հրավերով մարտի 28-ին ՀՀ Բարձրագույն դատական խորհրդի պատվիրակությունը մեկնել է Մոսկվա: Այցի շրջանակում նախատեսված են մի շարք հանդիպումներ։
