ԵՐԵՎԱՆ, 2 ապրիլի – Sputnik. Ռուս սորոսական Ալեքսեյ Նավալնու հարցը Եվրոպայի խորհրդի խորհրդարանական վեհաժողովը կրկին որպես հրատապ թեմա ներառել է ապրիլին մեկնարկող ԵԽԽՎ նստաշրջանի օրակարգում։ Տեղեկությունը Facebook-ում հայտնում է ԱԺ «Բարգավաճ Հայաստան» խմբակցության պատգամավոր Նաիրա Զոհրաբյանը:
«Եվրոպայի համար ռուս ավանտյուրիստի հարցը, պարզվում է, համայն Եվրոպայի թիվ մեկ խնդիրն է, Եվրոպայի կանգուն մնալու թիվ մեկ հենման կետը։ Այդ օրերին Ստրասբուրգում է լինելու նաև Գերմանիայի կանցլերը և ես մեկ րոպե անգամ չեմ կասկածում, որ Մերկելը, որպես «Նավալնի» պրոյեկտի ոսկե հովանավորներից մեկը, իր ելույթի ալֆան և օմեգան սարքելու է Նավալնու թեման»,- համոզմունք է հայտնում պատգամավորը։
Նրա դիտարկմամբ` «Եվրոպան ունի նախընտրելի «ֆասթ ֆուդ»՝ Նավալնի անունով», ինչը հրաշալի առիթ է Եվրոպայի համար Ռուսաստանի ոսկորները նորից վերահաշվելու։
Զոհրաբյանը նշում է, որ հակառուսականությունը արեւմուտքի թիվ մեկ թրենդն է, Ռուսաստանի սորոսականացումը՝ գլոբալիստների պլան մաքսիմումը: Այնուամենայնիվ, պատգամավորը վստահ է, որ սորոսական խունտային չի հաջողվելու Ռուսաստանում կրկնել այն սցենարը, որը նրանք արեցին ու Հայաստանում։
Բայց ինչպիսին էլ լինի Եվրոպայի ցանկությունն ու նիստի օրակարգը Զոհրաբյանը խոստանում է բարձրացնել հայ գերիների հարցը:
«Բայց ես դեմ եմ և չեմ լռելու, երբ հայ ռազմագերիների հարցով նրբազգաց ու էմոցիոնալ Եվրոպայի խորհուրդը համառորեն հրաժարվում է հատուկ քննարկում անցկացնել, երբ երկու հարյուրից ավելի հայ զինվոր Բաքվի բանտերում ամեն օր սպասում են, որ իրենց պատկերացրած Եվրոպան գոնե Նավալնու կեսի չափ իրենց ևս կհիշի, քանզի ԵԽ հիմնարար փաստաթղթում ռազմագերիների իրավունքը գերակա սկզբունքներից մեկն է»,- գրում է Զոհրաբյանը:
Այվազյանը Լավրովի հետ հանդիպմանը լուրջ մտահոգություն է հայտնել գերիների հարցով. տեսանյութ
Նշենք, որ Նաիրա Զոհրաբյանից բացի ԵԽԽՎ խորհրդարանական պատվիրակության անդամ են նաև նրա կուսակից Միքայել Մելքումյանը, «Լուսավոր Հայաստան» խմբակցության ղեկավար Էդմոն Մարուքյանը և «Իմ քայլի» պատգամավոր Հովհաննես Իգիթյանը: Պատվիրակությն ղեկավարն է «Իմ քայլից» Ռուբեն Ռուբինյանը:
