ԵՐԵՎԱՆ, 1 ապրիլի – Sputnik. Վրաստանի ներքին գործերի նախարարությունը հրապարակել է պարետային ժամի խախտման համար ռուս հայտնի լրագրող Վլադիմիր Պոզների տուգանքի մասին արձանագրության լուսանկարը: Դրանով գերատեսչությունը հերքել է լրատվամիջոցներում շրջանառվող այն տեղեկատվությունը, թե Պոզները և նրա հյուրերը, այնուամենայնիվ, վարչական պատասխանատվության չեն ենթարկվել։
Ինչպես հաղորդում է հանրապետության ՆԳՆ ռազմավարական հաղորդակցությունների դեպարտամենտը, տարբեր լրատվամիջոցներ սխալ տեղեկատվություն են տարածում այն մասին, որ այս տարվա մարտի 31-ին Վրաստանում հյուրընկալված և մեկուսացման կանոններն ու կարանտինի նորմերը խախտած անձինք իրականում չեն տուգանվել:
«Ելնելով հանրային բարձր հետաքրքրությունից, մենք հրապարակում ենք վարչական տուգանքի անդորրագիրը և ևս մեկ անգամ պարզաբանում, որ պարեկային ոստիկանության աշխատակիցների կողմից մեկուսացման և կարանտինի նորմերի խախտման համար տուգանվել է 32 անձ»,-ասվում է հաղորդագրության մեջ։
Դա բոլորի համար է անընդունելի. Վրաստանի վարչապետը մեկնաբանել է Պոզների հետ կապված սկանդալը
Նշվում է, որ այդ բոլոր անձինք վճարել են տուգանքը և միայն դրանից հետո են կարողացել լքել երկիրը։
Ներքին գործերի նախարարության հրապարակած լուսանկարում երևում է, որ Պոզներին տուգանել են 2 հազար լարիի չափով (մոտ 600 ԱՄՆ դոլար)։
