ԵՐԵՎԱՆ, 31 մարտի - Sputnik. ԵԿՄ վարչության նախագահ, Ազգային ժողովի «Իմ քայլը» խմբակցության պատգամավոր Սասուն Միքայելյանը պնդում է` Քարվաճառը մերն է։ Միքայելյանը նման կարծիք է հայտնել 168.am–ի հետ զրույցում` անդրադառնալով իմքայլական մեկ այլ պատգամավոր Հովիկ Աղազարյանի հայտարարություններին։
Աղազարյանը երեկ «Փաստինֆո»-ին տված հարցազրույցում ասել է, որ իր կարծիքով՝ Քարվաճառը հայկական չի և չի էլ եղել։ Նա նշել էր, թե Հայաստանում կա՞ մեկն «էդքան դուխով», որ ամբողջ աշխարհին կարող է ասել, որ Քելբաջարը մերն է եղել:
«Ես դուխով ասում եմ, որ Քարվաճառը մերն է։ 9-րդ դարում․․․ Մենք այնտեղ Դադիվանք ունենք, 12-13-րդ դարից դա մերն է եղել։ Ես քեզ դուխով ասում եմ՝ Քարվաճառը մերն է, ի դեմ պարոն Աղազարյանի։ Թող մի քիչ մտածեն, նոր խոսեն»,- ասաց Սասուն Միքայելյանը։
Նշենք, որ Հովիկ Աղազարյանը նշել էր նաև, որ Թուրքիայի կողմից Ցեղասպանության ճանաչումը Հայաստանին ոչինչ չի տալու։
Ադրբեջանի բանակին պատկանող ավտոմեքենան վթարի է ենթարկվել Քարվաճառում. մահացածներ կան
