ԵՐԵՎԱՆ, 24 մարտի – Sputnik. «Արարատ-Արմենիայի» գլխավոր մարզիչ է նշանակվել ռուս մասնագետ Անատոլի Բայդաչնին: Տեղեկությունը հայտնում է ֆուտբոլային ակումբի մամուլի ծառայությունը։
«Բարի գալուստ, Բայդաչնի»,– գրված է ակումբի ֆեյսբուքյան էջում։
Բայդաչնին նախկինում մարզել է «Ֆակելը», «Թերեքը», «Ռոստելմաշը», «Չերնոմորեցը», «Ժեմչուժինան», Բելառուսի հավաքականն ու մի շարք այլ ակումբներ:
68-ամյա մասնագետի վերջին ակումբը եղել է «Ռոստովը»:
Հիշեցնենք` մարտի 5-ին հայտնի դարձավ, որ «Արարատ-Արմենիա» ֆուտբոլային ակումբը և մարզիչ Դավիդ Կամպանյան երկկողմանի համաձայնությամբ խզել են պայմանագիրը։ Կամպանյան ֆուտբոլային թիմը գլխավորում էր 2020 թվականից:
Հրավերն ընդունել են առանց վարանելու. Երևանում բասկետբոլային տոն է լինելու
«Արարատ-Արմենիան» Կամպանյայի գլխավորությամբ անցկացրել է 18 խաղ, տոնել 8 հաղթանակ, գրանցել 4 ոչ-ոքի և կրել 6 պարտություն:
Ինչպես հաղթել Լիխտենշտեյնի հավաքականին. Վարդան Մինասյանի և Գևորգ Կասպարովի խորհուրդները
