ՀՀ ՊՆ ռազմական ոստիկանության իրականացրած միջոցառումների արդյունքում մարտի 19-ին հայտնաբերվել է հանցավոր խումբ, որը 2020 թվականի դեկտեմբերից մինչև 2021 թվականի փետրվարն ընկած ժամանակահատվածում զինվորական ծառայության հետ կապված տարբեր պատճառաբանություններով խաբեությամբ, օգնություն ստանալու պատրվակով ԱՄՆ քաղաքացի Հ.Թ.–ից բանկային փոխանցումներով ստացել է 25 հազար դոլարին համարժեք դրամ։
Անհետ կորածի հորից 1500 դոլար է վերցրել իբր լուր տրամադրելու համար. ԱԱԾ-ի բացահայտումը
Փաստի առթիվ նախապատրաստված նյութերի ընթացքում պարզվել է, որ N զորամասի ժամկետային զինծառայող Մ.Ք–ն սոցցանցի միջոցով ծանոթացել է Հ.Թ–ի հետ, տարբեր պատճառաբանությամբ, խաբեությամբ գումարներ ստացել նրանից, հետո իր ծանոթներ Վ.Ղ.–ի և Ա.Հ.–ի հետ նախօրոք համաձայնության գալով` կեղծ օգտատիրոջ անվան տակ խաբեությամբ և շորթմամբ Հ.Թ.–ից գումարներ է պահանջել, որոնք բանկային փոխանցումների միջոցով ուղարկվել են Մ.Ա–ին ու Ա.Ա.–ին, իսկ վերջիններս էլ այդ գումարները փոխանցել են հիշյալ անձանց։
Անհետ կորածի ծնողից որդուն հետ բերելու խոստմամբ խոշոր չափի գումար է հափշտակել. տեսանյութ
Խոստովանական բացատրություններ են տվել ժամկետային զինծառայող Մ.Ք.–ն, Վ.Ղ–ն, Ա.Հ.–ն, և Ա.Ա.–ն։ Նախապատրաստված նյութերի հիման վրա հարուցվել է քրեական գործ։
ԱԱԾ-ն կոռուպցիոն երևույթներ է բացահայտել Մեղրիի անցակետում. 6 հոգու կալանավորել են
