ԵՐԵՎԱՆ, 22 մարտի - Sputnik. ՌԴ արտգործնախարարությունը հայտարարել է, որ ամերիկյան կողմը չի սատարել ՌԴ նախագահ Վլադիմիր Պուտինի առաջարկը։ Ռուսաստանի առաջնորդն առաջարկել էր երկկողմ խնդիրները ԱՄՆ նախագահ Ջո Բայդենի հետ քննարկել տեսակապի ձևաչափով։
«Ցավով արձանագրենք, որ ամերիկյան կողմը չի սատարել կուտակված խնդիրներն ու ռազմավարական կայունության թեմաները քննարկելու նպատակով մարտի 19-ին կամ 22-ին տեսակոնֆերանսի ձևաչափով խոսակցություն անցկացնելու առաջարկը», - նշված է ՌԴ արտգործնախարարության հայտարարության մեջ:
Ռուսաստանի ԱԳՆ-ն շեշտել է, որ Վաշինգտոնի մեղքով ռուս-ամերիկյան հարաբերություններում առաջացած փակուղուց դուրս գալու ևս մեկ հնարավորություն կորսվեց, որի պատասխանատվությունն ամբողջությամբ ԱՄՆ-ի վրա է:
ԱՄՆ-ն ստիպված կլինի հաշվի նստել Ռուսաստանի հետ. Պուտինը` Բայդենին
Հիշեցնենք` Ռուսաստանի ու ԱՄՆ-ի հարաբերությունների հետագա զարգացման խնդիրը սրվեց անցյալ շաբաթվա կեսերին, երբ Բայդենը դրական պատասխան տվեց լրագրողի հարցին, թե արդյոք «մարդասպան» համարո՞ւմ է իր ռուս գործընկերոջը: Նա նաև ասաց, որ ՌԴ նախագահ Վլադիմիր Պուտինը «պատասխան կտա» ամերիկյան ընտրություններին միջամտելու համար:
Բայդենը չի պատասխանել Պուտինի առաջարկն ընդունել–չընդունելու մասին հարցին. տեսանյութ
Պուտինն արձագանքեց ամերիկացի գործընկերոջը։ Նա Բայդենին առողջություն մաղթեց ու նշեց, որ այլ մարդկանց գնահատելը նույն է, թե հայելու մեջ նայես: Բացի այդ, Պուտինը ամերիկացի գործընկերոջն առաջարկեց շարունակել քննարկումը, բայց պայմանով, որ այն տեղի ունենա ուղիղ եթերում: Նա հորդորեց չհետաձգել խոսակցությունն ու կազմակերպել ուրբաթ կամ երկուշաբթի «ամերիկյան կողմի համար ցանկացած հարմար ժամի»:
Պուտինն ու Շոյգուն հանգստյան օրերն անցկացրել են տայգայում. եզակի տեսանյութեր
