ԵՐԵՎԱՆ, 21 մարտի - Sputnik. ՀՀ ԱԳ նախարար Արա Այվազյանը հեռախոսազրույց է ունեցել Իսպանիայի արտաքին գործերի, Եվրոպական Միության և համագործակցության նախարար Արանչա Գոնսալես Լայայի հետ։ Տեղեկությունը հայտնում է ԱԳՆ մամուլի ծառայությունը։
Արտգործնախարարները բարձր են գնահատել հայ-իսպանական բարեկամական հարաբերությունների զարգացման դինամիկան, խոսել փոխադարձ հետաքրքրություն ներկայացնող ոլորտներում համագործակցության ամրապնդման և խորացման հեռանկարների շուրջ։
«Հեռախոսազրույցի ժամանակ մտքեր փոխանակվել նաև Հայաստան-Եվրամիություն գործընկերության օրակարգի մի շարք հարցերի, Արևելյան գործընկերության առաջիկա օրակարգի շուրջ։ Երկուստեք համոզմունք են հայտնել, որ ՀԸԳՀ լիարժեք և արդյունավետ կիրարկումը շոշափելի նոր լիցք կհաղորդի ԵՄ և ԵՄ անդամ երկրների հետ փոխշահավետ համագործակցության խթանման գործում»,–նշված է հաղորդագրության մեջ:
Հեռախոսազրույցի ընթացքում կողմերն անդրադարձել են նաև տարածաշրջանային կայունության, անվտանգության և մարդասիրական հարցերին։ Այվազյանը գործընկերոջը ներկայացրել է Արցախում ստեղծված հումանիտար բարդ իրադրությունը և դրա հասցեագրման ուղղությամբ ձեռնարկվող քայլերը՝ կարևորելով միջազգային հանրության և համապատասխան մասնագիտացված կառույցների տեղում ներգրավվածությունը։
ՀՀ-ԵՄ համաձայնագիրը լավ գործիք է Հայաստանում բարեփոխումների իրականացման համար. Այվազյան
