ԵՐԵՎԱՆ, 18 մարտի – Sputnik. Սահմանադրագետ Գոհար Մելոյանը հայտնում է, որ ՀՀ վարչապետ Նիկոլ Փաշինյանը հրաժարական կտա այս տարվա ապրիլի վերջին տասնօրյակում։
«Հունիսի 20-ին տեղի կունենան արտահերթ խորհրդարանական ընտրություններ։ Այս հայտարարությունից բխում է, որ Նիկոլ Փաշինյանը երաշխիքներ է ստացել խորհրդարանական ուժերից առ այն, որ իր հրաժարականի պարագայում չեն ներկայացնի վարչապետի թեկնածու, և Նիկոլ Փաշինյանը հրաժարական է տալու այս տարվա ապրիլի վերջին տասնօրյակում՝ ապրիլի 20-ից մինչև 30-ն ընկած ժամանակահատվածում»,– Facebook–ի իր էջում գրել է նա։
Հիշեցնենք` արտահերթ ընտրությունների մասին այսօր հայտնեց անձամբ ՀՀ վարչապետը։
